Qoʻshimcha funksionallar
-
Tungi ko‘rinish
Samarqandda bug‘doy ortib ketayotgan yuk mashinasida yong‘in sodir bo‘ldi
Yong‘in oqibatida yuk mashinasining kabinasi yonib yaroqsiz holga kelgan. Unga ortilgan bug‘doyning 3 tonnasi saqlab qolingan.
Foto: FVB axborot xizmati
Samarqand viloyati Favqulodda vaziyatlar boshqarmasi axborot xizmatining xabar berishicha, bugun, 24 iyun kuni soat 15:18 da M-37 Samarqand-Buxoro-Turkmanboshi xalqaro avtomobil yo‘lining Ishtixon tumani hududidan o‘tuvchi 52-kilometrida harakatlanib ketayotgan «Gaz-52» rusumli yuk mashinasida yong‘in sodir bo‘layotgani to‘g‘risida tuman FVBga xabar kelib tushgan.
Shundan so‘ng voqea joyiga 2 ta yong‘in-qutqaruv ekipaji jalb etilgan. O‘t o‘chiruvchilar hodisa joyiga soat 15:26 da yetib borgan va soat 15:32 da yong‘in to‘liq bartaraf etilgan.
Yong‘in oqibatida yuk mashinasining kabina qismi qisman yonib, zararlangan. Unga ortilgan taxminan 3 tonna bug‘doy saqlab qolingan.
Qayd etilishicha, hozirda hodisa yuzasidan tergovga qadar tekshirish ishlari olib borilmoqda.
Avvalroq, Urgut tumanida me’yordan ortiq somon toylari ortib harakatlangan yuk mashinasi yonib ketgandi.
