Prezident «2022-2030 yillarda uran qazib olish, qayta ishlash hajmini oshirish va «Navoiyuran» davlat transformatsiya qilish chora-tadbirlari to‘g‘risida»gi qarorni imzoladi.
Hujjatga ko‘ra, O‘zbekiston 2022-2030 yillarda uran qazib olish hajmini ikki baravar oshirishni rejalashtirmoqda.
Hujjat matniga qaraganda, qazib olish hajmini 2021 yildagi 3 526 tonnadan 2030 yilda 7 100 tonnaga yetkazish mo‘ljallanmoqda.
Hujjatda, shuningdek, 2022-2030 yillarda geologiya-qidiruv ishlarini faollashtirish hisobiga uran zaxiralarining o‘sish sur’ati ko‘rsatkichlari tasdiqlandi – 4 700 tonnadan 10,5 ming tonnagacha.
Qaror bilan respublikada uran qazib olishni ko‘paytirish bo‘yicha umumiy qiymati qariyb 460 million dollarlik 20 ta investitsiya loyihasi ro‘yxati ham tasdiqlandi.