O‘zbekistonga qarindoshlarini yo‘qlash maqsadida qariyb 1,7 mln kishi kelgan

Qo‘mita xabariga ko‘ra, 2022 yilning 1 iyul holatiga O‘zbekistonga kelgan chet el fuqarolarining safar maqsadlari quyidagicha:

• qarindoshlarni yo‘qlash — 1,7 mln kishi; 
• dam olish — 137,1 ming kishi;
• davolanish — 37,6 ming kishi;
• xizmat yuzasidan — 30,2 ming kishi; 
• tijorat — 7,1 ming kishi;
• o‘qish maqsadida — 2,2 ming kishi.

Bundan oldin iyun oyida 453 ming o‘zbekistonlik qarindoshini yo‘qlash maqsadida xorijga chiqib ketgani xabar berilgandi.

Bundan tashqari, dam olish maqsadida 64,1 ming kishi, o‘qish maqsadida 18,8 ming kishi chetga chiqib ketgan.

Shuningdek, davolanish uchun 4,4 ming kishi O‘zbekistondan ketgan bo‘lsa, xizmat yuzasidan 1,5 ming kishi chiqib ketgan.