Shavkat Mirziyoyev Afg‘oniston bo‘yicha xalqaro konferensiya ishtirokchilariga murojaat bilan chiqadi

«Toshkent Afg‘oniston bo‘yicha xalqaro konferensiyaga mezbonlik qiladi. Unda 20 dan ortiq davlat delegatsiyalari ishtirok etadi. Prezident ularga murojaat qilishi kutilmoqda», - dedi u. 

Prezident Shavkat Mirziyoyev tashabbusi bilan Toshkentda «Afg‘oniston: xavfsizlik va iqtisodiy taraqqiyot» mavzusida xalqaro konferensiya bo‘lib o‘tadi.

Quyidagilar ushbu tadbirning asosiy maqsadlari hisoblanadi:

• xalqaro hamjamiyatning afg‘on vektori bo‘yicha kelishilgan harakatlarini ishlab chiqish, mamlakat iqtisodiyotini tiklash, afg‘on xalqiga shoshilinch gumanitar yordam ko‘rsatish bo‘yicha aniq taklif va harakatlarni ishlab chiqish;
• Kobulning yangi hokimiyati tomonidan jahon hamjamiyatining asosiy talablarini bajarish jarayonini jadallashtirish masalasi bo‘yicha xalqaro hamjamiyatning samarali muloqotini yo‘lga qo‘yish - keng vakillik, ayollar huquqlarini hurmat qilish va ta’minlashga asoslangan hukumatni yaratish, qizlarning to‘liq maktab ta’limiga kirishi;
• Afg‘oniston muvaqqat hukumati tomonidan Afg‘oniston hududidan qo‘shni davlatlar, mintaqaning boshqa davlatlari va butun dunyo xavfsizligi manfaatlariga zid foydalanishning oldini olish bo‘yicha ilgari o‘z zimmalariga olgan majburiyatlarni tasdiqlash;
• Afg‘onistonning xorijdagi moliyaviy aktivlarini muzlatishning muhimligi, shuningdek, mamlakat hududida transport, kommunikatsiya va energetika sohalarida turli infratuzilma loyihalarini amalga oshirish.

Ayni damda anjumanda Buyuk Britaniya, Yevropa ittifoqi, Eron, Italiya, Ispaniya, Qozog‘iston, Qatar, Qirg‘iziston, Tojikiston, Xitoy, Norvegiya, Pokiston, Rossiya, AQSh, Turkiya, Yaponiya va boshqa davlatlardan Afg‘oniston bo‘yicha maxsus vakillar, BMT va uning nizom organlari, Islom hamkorlik tashkiloti, Iqtisodiy hamkorlik tashkiloti rahbarlari, xalqaro moliya institutlari vakillari, shuningdek, birinchi marta tashqi ishlar vaziri Amir Xon Muttaqiy boshchiligida Afg‘oniston muvaqqat hukumati delegatsiyasi ishtirok etishi kutilmoqda.

Tadbirda jami 100 ga yaqin xorijiy delegatsiyalar ishtirok etadi. 

Anjumanda delegatsiyalar rahbarlarining chiqishlari rejalashtirilgan. Uning doirasida Afg‘onistonni rivojlantirish va xalqaro jarayonlarga integratsiyalashuviga qaratilgan, O‘zbekiston tomonidan amalga oshirilayotgan yirik loyihalar taqdimoti ham tashkil etiladi: 

Ular:

• «Termiz – Mozori-Sharif – Kobul – Peshovar» temiryo‘li qurilishi loyihasi;
• «Surxon – Puli-Xumri» elektr tarmog‘ini yotqizish loyihasi;
• gumanitar yordam ko‘rsatish bo‘yicha xalqaro ko‘p funksiyali transport-logistika xab faoliyati;
• Termiz shahridagi Afg‘oniston fuqarolarini o‘qitish ta’lim markazi faoliyati.

Xalqaro konferensiya yakunlari bo‘yicha tashkilotchi davlat bayonoti e’lon qilinishi kutilmoqda.