Surxondaryoda o‘zbek-tojik hamkorlikdagi mashqlari yakuniga yetdi

Bugun, 10 avgust kuni O‘zbekiston va Tojikiston mudofaa vazirlari - general-leytenant Bahodir Qurbonov hamda general-polkovnik Sherali Mirzo Surxondaryo viloyatida «Hamdo‘stlik-2022» o‘zbek-tojik hamkorlikdagi o‘quv mashqlari asosiy bosqichini kuzatdi.

Foto: Mudofaa vazirligi

Mudofaa vazirligi axborot va ommaviy kommunikatsiyalar departamenti xabariga ko‘ra, hamkorlikdagi o‘quv rejasiga ko‘ra ikki davlat chegarasini buzib kirmoqchi bo‘lgan shartli dushman to‘dalariga motoo‘qchi, tank, artilleriya va boshqa jangovar bo‘linmalar tomonidan aniq zarbalar berildi.

Amaliy o‘quv yakunida O‘zbekiston va Tojikiston mudofaa vazirlari «Hamdo‘stlik—2022» hamkorlikdagi o‘quv ishtirokchilari va tashkilotchilarini yutuqlar bilan tabrikladi.

Jarayonlarda faol qatnashgan har ikki davlat harbiy xizmatchilari O‘zbekiston va Tojikiston mudofaa vazirliklari tomonidan ta’sis etilgan medallar bilan taqdirlandi.

Bundan oldin Tojikiston harbiy xizmatchilarini O‘zbekiston oliy harbiy ta’lim muassasalarida ta’lim olishini tashkillashtirish borasida qo‘shimcha shartnoma imzolangandi.