Toshkentda Iphone sotib olish uchun qalbaki dollar bergan shaxs ushlandi

Toshkent shahrining Shayxontohur tumanida telefon sotib olish uchun qalbaki dollar bergan shaxs qo‘lga olindi.

Foto: Bosh prokuratura huzuridagi Departament

Bosh prokuratura huzuridagi Departamentning Shayxontohur tuman bo‘limi tomonidan o‘tkazilgan tergovga qadar tekshiruvda Yu.Yu. (muqaddam o‘g‘irlik jinoyati uchun sudlangan) qalbaki valutalarni o‘tkazish maqsadida S. ishonchiga kirib, unga tegishli 2 dona Iphone telefonini 2550 AQSh dollariga sotib olishga kelishib, evaziga unga 51 dona 50 AQSh dollarlik qalbaki kupyurani bergani aniqlangan.

Holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.