Toshkent shahri ayrim hududlarida elektr energiyasida uzilishlar kuzatiladi

Yashnobod tumanining Chashma, Shavkat, Farg‘ona yo‘li, Tabassum, Ohangrabo hamda Tabibiy ko‘chalari, Olmazor tumanining Guruchariq mahallasi 9-, 10-, 11- hamda 12-sonli ko‘p qavatli aholi yashash xonadonlarida elektr energiyasi vaqtinchalik o‘chirilgan.

Iste’molchilarga elektr energiyasini sifatli yetkazib berish, avariyali uzilishlar oldini olish, kuz–qish mavsumiga tayyorgarlik ko‘rish, hududlarda past kuchlanishli elektr uzatish tarmoqlarini yangilash, joriy hamda mukammal ta’mirlash ishlari bosqichma-bosqich amalga oshirib kelinmoqda. Shu sababli, ushbu hududlardagi aholi yashash xonadonlarida elektr energiyasidan vaqtinchalik uzilishlar kuzatilmoqda.

Ayni vaqtda, «Toshkent shahar elektr tarmoqlari korxonasi» tasarrufidagi tuman elektr ta’minoti korxonalari tomonidan vaziyatni tezkorlik bilan bartaraf etish uchun barcha zarur choralar ko‘rilib, hududlarda tezkor brigadalar tomonidan ta’mirlash ishlari olib borilmoqda.