Rossiyada 12 nafar o‘zbekistonlikning pasporti ish beruvchilardan olib berildi

Tashqi mehnat migratsiyasi agentligining Voronej shahridagi vakilligiga 12 nafar o‘zbekistonlik pasportlarini ish beruvchi olib qo‘yganligidan norozi bo‘lib shikoyat qilgan.

Foto: Migratsiya agentligi

Migratsiya agentligi xabariga ko‘ra, shikoyat shu kuni o‘rganilib, mehnat migrantlari va ish beruvchi bilan uchrashuv o‘tkazildi.

Ma’lum qilinishicha, fuqarolarning ish beruvchi tomonidan olib qo‘yilgan pasportlari qaytarilgan hamda ular boshqa ishga joylashtirilgan.

Shuningdek, agentlikning Volgograd shahridagi vakilligi tomonidan 6 nafar qoraqalpog‘istonlik fuqarolarning hujjatlari olib berildi va vaqtincha yashash joyi bilan ta’minlandi.