O‘zbekistonga qarindoshlarini yo‘qlash maqsadida 2,7 mln kishi keldi

8 oyda 2,7 mln kishi qarindoshlarini yo‘qlash maqsadida O‘zbekistonga kelgan. Bu haqda Davlat statistika qo‘mitasi ma’lumot berdi.

Qo‘mita xabariga ko‘ra, 2022 yilning yanvar-avgust oylarida O‘zbekistonga kelgan chet el fuqarolarining safar maqsadlari quyidagicha:

qarindoshlarni yo‘qlash — 2,7 mln kishi (avgust oyida 577,4 ming nafar);
dam olish — 208,8 ming kishi (avgust oyida 39,0 ming nafar);
xizmat yuzasidan — 44,5 ming (avgust oyida 7,7 ming nafar);
davolanish — 50,5 ming kishi (avgust oyida 6,1 ming nafar);
tijorat — 11,2 ming kishi (avgust oyida 2,2 ming nafar);
o‘qish maqsadida — 2,9 ming kishi (avgust oyida 0,5 ming nafar).

Bundan oldin 7 oyda 2,2 mln kishi qarindoshlarini yo‘qlash maqsadida O‘zbekistonga kelgani xabar qilingandi.