13:06 / 16.09.2022
5786

ShHT Samarqand sammiti Kengaytirilgan yig‘ilishi boshlandi

ShHT Samarqand sammitining tor doiradagi yig‘ilishi yakunlandi. Prezident Shavkat Mirziyoyev kengaytirilgan tarkibdagi majlisda ishtirok etish uchun ShHT kuzatuvchi-mamlakatlar va mehmon davlatlar rahbarlarini Kongress markazda kutib oldi. Bu haqda Kun.uz muxbiri xabar bermoqda.

Foto: Prezident matbuot xizmati

14 ta davlat rahbari ishtirok etayotgan majlisni Shavkat Mirziyoyev ochiq deb e’lon qildi.

“ShHTga raisligimiz doirasida uning xalqaro maydondagi obro‘sini ko‘tarish, siyosiy va iqtisodiy hamkorlikni oshirishga harakat qildik. Pandemiyaga qaramay butun kuch bilan harakat qilindi, hamkorlikning barcha yo‘nalishlari va sohalari qamrab olindi va 80 dan ortiq tadbirlar o‘tkazdik.

ShHT katta oilasiga yangi a’zolar — muloqot bo‘yicha kuzatuvchi va hamkorlar qabul qilinmoqda. Bu Yevrosiyoda ko‘p qirrali hamkorlikni tubdan kengaytirish uchun imkoniyatdir”, - deya davlat rahbarlarining so‘zlarini keltirmoqda Kun.uz muxbiri.

Shuningdek, davlat rahbari Eron Islom Respublikasini ShHTga a’zo davlat maqomini olish majburiyatlari to‘g‘risidagi memorandumni imzolagani bilan tabrikladi.

Kengaytirilgan yig‘ilish davom etmoqda.

Mavzu
Samarqandda ShHT sammiti
15–16 sentabr kunlari Samarqand shahrida Shanhay hamkorlik tashkilotining navbatdagi sammiti tashkillashtiriladi.
Barchasi
Top