24 sentabr kuni Rossiyada uruş va safarbarlikka qarşi yangi mitinglar ötkazildi. Moskva, Peterburg, Irkutsk, Tomsk, Novosibirsk, Perm, Ijyevsk, Ulan-Udeda namoyişga çiqqanlar qölga olindi — butun mamlakat böylab ularning soni 800 kişiga yetadi. Ukraina prezidenti Volodimir Zelenskiy mamlakatning Rossiya istilosi ostidagi aholisini safarbarlikdan qoçişga çaqirdi. Bir neça manbalar Vladimir Putin 30 sentabr kuni Federal kengaşga murojaat qilişi, şundan keyin Ukrainaning bosib olingan hududlari RF tarkibiga qöşib olinişi böyiça kelişuv imzolanişi haqida xabar berişdi.

Quyida 23-24 sentabr kunlari Ukraina va Rossiyaning turli hududlarida olingan suratlar.

Ukrain harbiylari tomonidan ozod etilgan Xarkiv oblasti

Xarkiv oblastining Velikaya Kamyşevaxa qişloği yaqinidagi yakson bölgan avtomobil. Ukraina qurolli kuçlari Xarkiv va Xerson oblastlarida boşlangan keng kölamli qarşi hujumlar natijasida sentabr oyi örtalarida uşbu qişloqni ozod etişgan
Oleksandr Ratushniak / Reuters / Scanpix / LETA
Ukrainalik askarlar Xarkiv oblastidagi front çiziğidagi pozitsiyasida şaşka öynaşmoqda
Oleksandr Ratushniak / Reuters / Scanpix / LETA
Ukrainalik harbiy ayol Kupyanskdagi navbatçilik vaqtida. Şahar sentabr oyi örtalarida ukrain kuçlari tomonidan ozod etildi. Rossiya bu yerni uruş boşidan buyon egallab turgandi.
Yasuyoshi Chiba / AFP / Scanpix / LETA
Xarkiv oblastining Izyum şahri yaqinida rossiyaliklarning yakson bölgan zirhli transportyori gusenitsasini (ğildirak vazifasini ötovçi keng zanjir tasma) öz maşinasiga yuklayotgan ukrain harbiylari. Izyum aprel oyi boşida Rossiya qöşini tomonidan bosib olingandi, Ukraina qurolli kuçlari sentabr oyida şaharni qaytarib olişdi. Izyum rasmiylari rossiya kuçlari ketgaç, şahar uçun janglar vaqtida va şahar rossiyaliklar istilosi ostida bölgan davrda tinç aholi vakillaridan kamida ming kişi halok bölganini ma’lum qildi — öz vaqtida tibbiy yordam körsatilmasligi oqibatida vafot etganlardan taşqari.