Buxoro aeroportini boshqarish Malayziya kompaniyasiga berilishi mumkin

Uzbekistan Airports xabariga ko‘ra, muzokaralar chog‘ida Malayziya tajribasini joriy etish orqali O‘zbekistonda aeroport xizmatlari bozorini rivojlantirish bo‘yicha hamkorlik masalalari muhokama qilindi.

Uchrashuvda Uzbekistan Airports boshqaruvi raisi birinchi o‘rinbosari Javlon Umarxo‘jayev O‘zbekiston aeroportlarini rivojlantirish strategiyasi bilan hamkorlarni tanishtirdi va «Buxoro» xalqaro aeroportini modernizatsiya qilish va DXSh asosida boshqaruvga o‘tkazish uchun tadbirkorlarni jalb qilish mexanizmlari haqida so‘z yuritdi.

Uchrashuv yakunlari bo‘yicha Malayziya kompaniyasining O‘zbekistonga tashrifini tashkil etish va qo‘shimcha muzokaralar o‘tkazish hamda Buxoro aeroportini rivojlantirish konsepsiyasi haqida batafsil ma’lumot taqdim etish bo‘yicha kelishuvga erishildi.