AEXA Ukrainadagi atom obektlariga mutaxassislarni yuboradi

Ukraina Tashqi ishlar vazirligi AEXAni Rossiya «bomba» – faraziy radiologik qurol tayyorlayotganini da’vo qilayotgan Jyeltiye Vodi va Kiyevdagi obektlarga tashrif buyurishga chaqirdi.

Foto: AP

Atom energiyasi bo‘yicha xalqaro agentlik (AEXA) Rossiya «bomba qo‘llash orqali ehtimoliy provokatsiyalar uyushtirish»da ayblagan Ukrainaga ekspertlarini yuboradi. Bu haqda Ukraina tashqi ishlar vaziri Dmitriy Kuleba 24 oktyabr, dushanba kuni Twitter’da yozdi.

«Iflos bomba» deb radioaktiv moddalarni oddiy portlovchi moddalar bilan birlashtirgan faraziy past quvvatli radiologik qurol keltirilmoqda.

«Bosh direktor Rafael Grossi bilan suhbatda men AEXAga zudlik bilan mutaxassislarni Ukrainadagi tinch obektlarga yuborishni rasman taklif qildim, Rossiya ularni «iflos bomba» ishlab chiqish uchun joylar deb yolg‘on ma’lumot tarqatyapti. U rozi bo‘ldi. Rossiyadan farqli o‘laroq, Ukraina oshkora davlat bo‘lgan va shunday bo‘lib qoladi. Bizning yashiradigan hech narsamiz yo‘q», - deb yozadi Kuleba.

Bir kun oldin Rossiya mudofaa vaziri Sergey Shoygu Fransiya, Turkiya va Buyuk Britaniyadagi hamkasblarini Ukraina «iflos bomba» yordamida «provokatsiyalarni tayyorlayotgan bo‘lishi mumkin», deya ogohlantirgan edi. Bayonotga ko‘ra, «iflos bomba» yaratish Jyeltiye Vodidagi (Dnipropetrovsk viloyati) Sharqiy kon-qayta ishlash kombinatiga va Kiyevdagi Yadro tadqiqotlari institutiga ishonib topshirilgan.