O‘zbekistonda chet el fuqarolarini ro‘yxatga olish tartibiga o‘zgartirish kiritiladi

Vazirlar Mahkamasining “O‘zbekistonda chet el fuqarolari va fuqaroligi bo‘lmagan shaxslarni ro‘yxatga olish tartibini soddalashtirish chora-tadbirlari to‘g‘risida”gi qaroriga o‘zgartirish va qo‘shimchalar kiritiladi.

Vazirlar Mahkamasining “O‘zbekistonda chet el fuqarolari va fuqaroligi bo‘lmagan shaxslarni ro‘yxatga olish tartibini soddalashtirish chora-tadbirlari to‘g‘risida”gi qaroriga quyidagilarni nazarda tutuvchi o‘zgartirish va qo‘shimchalar kiritiladi:

O‘zbekistonda vaqtincha bo‘lib turgan chet el fuqarolari va fuqaroligi bo‘lmagan shaxslarni vaqtincha ro‘yxatga olish ular O‘zbekistonga kirib kelganlaridan keyin hududiy MvaFRB, joylashtirish vositalari yoki davolash muassasalariga uch ish kuni davomida murojaat qilish orqali amalga oshirish;

O‘zbekistonda bo‘lish qoidalarini buzgan, boshqa qoidabuzarliklarga yo‘l qo‘ygan chet el fuqarolari va fuqaroligi bo‘lmagan shaxslar to‘g‘risida joylashtirish vositalari va davolash muassasalari ma’muriyati, xususiy uy-joy egalari tomonidan ularni E-mehmon dasturi yordamida hududiy ichki ishlar organlariga xabar bergan holda joylashtirish;

joylashtirish vositalari, davolash muassasalaridagi chet el fuqarolari va fuqaroligi bo‘lmagan shaxslar to‘liq va haqqoniy hisobi yuritilishini ta’minlash maqsadida joylashtirish vositalari, sanatoriy va pansionatlar tomonidan o‘z faoliyatini belgilangan tartibda sertifikat asosida va avtomatlashtirilgan maxsus elektron dasturiga ulangan holda amalga oshirish.

Qaror bajarilishini nazorat qilish O‘zbekiston ichki ishlar vaziri Po‘lat Bobojonov zimmasiga yuklanadi.