Kiyev: «G‘alla yo‘lagi» bo‘ylab harakat 3 noyabrdan tiklanadi

Kutilishicha, «g‘alla yo‘lagi» orqali qishloq xo‘jaligi mahsulotlari ortib olingan 8 ta kema o‘tadi. 

Ukraina tomoni BMTdan tasdiqlov oldi, deya qo‘shimcha qilib o‘tdi Aleksandr Kubrakov.

Avvalroq Ukrainadan qishloq xo‘jaligi mahsulotlari eksporti 21 million tonnaga yetgani xabar qilingandi.

Ukraina va YeI o‘rtasidagi «birdamlik liniyalari» orqali 14 million tonna Ukraina qishloq xo‘jaligi mahsulotlari, 7 million tonnasi esa Qora dengiz orqali eksport qilingan, deya xabar berdi YeI.

«Birdamlik liniyalari» - Ukraina va Yevropa Ittifoqi o‘rtasidagi eksport va import uchun asosiy transport kanalidir, deya ta’kidlaydi Yevropa Ittifoqi. 2022 yil may oyidan buyon ushbu temiryo‘l liniyalari bo‘ylab tashilgan xomashyo va tovarlarning umumiy hajmi 29 million tonnani tashkil etdi. Qishloq xo‘jaligi mahsulotlaridan tashqari, Ukrainadan po‘lat eksport qilinadi, gumanitar yordam va zarur tovarlar esa olib kiriladi, dedi Stefan de Kirsmeyker.

Rossiyaning Ukrainaga keng ko‘lamli bostirib kirishidan keyin xalqaro hamjamiyat Kiyev bilan birgalikda Ukraina tovarlarini eksport qilishning ikkita muqobil yo‘lini – Yevropa Ittifoqining Ukraina bilan «birdamlik liniyasi» va Qora dengiz yo‘lagini tashkil etishga muvaffaq bo‘ldi. Ukraina va YeI o‘rtasidagi birdamlik liniyalari may oyida ochilgan, iyul oyida esa Ukraina portlarida yuk kemalarini blokdan chiqarish bo‘yicha vaqtinchalik kelishuvga erishilgan edi. Yevropa Komissiyasining so‘nggi ma’lumotlariga ko‘ra, avgust oyida «birdamlik liniyasi» Ukrainadan (2,6 million tonna) qishloq xo‘jaligi eksportining 61 foizini, Qora dengiz yo‘lagidan esa 39 foizni (1,6 million tonna) tashkil etgan.

29 oktyabr kuni Rossiya annexia qilingan Qrimdagi Sevastopol harbiy-dengiz bazasida Rossiya Qora dengiz flotining kemalari va infratuzilmasiga hujum uyushtirilgani munosabati bilan «g‘alla bitimi»ni noma’lum muddatga to‘xtatayotganini e’lon qildi. Shu bilan birga, «birdamlik liniyalari» o‘z faoliyatini davom ettiradi, deb ta’kidladi Yevropa komissiyasi. Ushbu transport aloqasi o‘rta va uzoq muddatga mo‘ljallangan bo‘lib, uning ishi takomillashtiriladi.