Rossiyada safarbarlikka qarshi chiqqan ayollar harbiy prokuratura oldida norozilik bildirdi

Ular safarbar qilingan erlari va o‘g‘illari tayyorgarliksiz frontga jo‘natilganini aytib, ularni frontdan qaytarib olib kelish va mashg‘ulotlarga jo‘natishni talab qildi, deb yozadi kanal penzalik jurnalist Igor Alekseyev va «Govorit NeMoskva» nashriga tayangan holda. 

«Ayollar Alekseyevga jangovar harakatlarni muvofiqlashtirish va tayyorlash o‘rniga safarbar qilinganlarga qahramonlik haqida ma’ruzalar o‘qilganini aytishdi. Jurnalistning so‘zlariga ko‘ra, viloyat gubernatori go‘yoki band bo‘lganligi sababli shaharliklar bilan uchrasha olmagan, Penza OAV esa ayollarning muammolarini aholiga yetkazish maqsadida uni e’lon qilishdan bosh tortgan», — deyiladi xabarda. 

Namoyishchilar, shuningdek, ularning qarindoshlarida «oziq-ovqat, suv va oddiy qurollar deyarli yo‘qligini» aytishgan.

Bundan oldin Qozonda safarbar qilinganlar norozilik namoyishi uyushtirgandi. 

5 noyabr kuni internetda Qozondagi yig‘ilish punktidan videolavhalar e’lon qilindi, unda zobitlardan birining nomiga haqoratli so‘zlar aytilgani va erkaklarning kir yuvish mashinasini o‘rnatish hamda foydalanish uchun rozetkalar bilan ta’minlash talablari eshitiladi.

SOTA Telegram-kanali xabariga ko‘ra, oziq-ovqat, suv va isitish tizimining yo‘qligi, zanglagan avtomatlar ham Rossiyaning Ukrainaga qarshi urushida qatnashish uchun chaqirilganlarning noroziligiga sabab bo‘lgan.