Ukraina qöşini Xersonga kira boşladi. Frontdagi vaziyat böyiça sönggi ma’lumotlar

11 noyabr kuni tongda kremlparast telegram-kanallar Antonov köprigi portlatilgani aks etgan videoni (bu video haqiqiyligi va qaçon olingani tasdiqlanmagan) tarqata boşladi. Şuningdek, Rossiya naşrlari xabarlariga köra, parallel ötgan temiryöl köprigi ham vayron qilingan (bunga dalil keltirilmagan). Rossiyalik «vatanparvar» telegram-kanallar yozişiça, köprikning portlatilişi Rossiya guruhining öng sohildan olib çiqilişi yakunlangani haqida «signal» bölgan.

«Komsomolskaya pravda» harbiy muxbiri Aleksandr Kots va «Smotri» telegram-kanali töğridan töğri köprikda turib olingan videoyozuvni, Ukraina tomoniga tegişli bölgan «Suspіlne» kanali esa — mahalliy aholi vakillari tomonidan olingan köprik fotosuratini naşr etgan. Video va fotoda köprikning avtomobillar uçun möljallangan polotnosida ikkita oraliq yopmasi qulab tuşganini köriş mumkin. Şu bilan birga, Sergey Yeliseyev Antonov köprigi «portlatilmagani» va «doimiy holatida turgani»ni qayd etgan.

Ukraina mudofaa  Aleksey Reznikov avvalroq Rossiya Dneprning öng sohilidagi qöşinlarini olib ketişi uçun bir hafta vaqt talab etilişi haqida gapirgandi. U bu haqda Reuters agentligida 10 noyabr kuni çiqqan intervyusida aytib ötgan. Reznikov istilo vaqtida Xerson oblastida göyoki rossiyaliklarning 40 minglik qöşini bölib turganini aytgan. «Bu qöşinlarni Xersondan bir yoki ikki kun içida olib ketib bölmaydi. Bu kamida bir hafta vaqt oladi», — degandi vazir. U Rossiyaning harakatlarini oldindan aytiş qiyinligini qöşimça qilgan.

10 noyabr kuni Ukraina prezidenti Volodimir Zelenskiy mamlakat qurolli kuçlari Xerson oblastida 41 ta aholi yaşaş manzillarini ozod etganini ma’lum qildi. U bu hududlar nomlarini keltirmagan va gap qança vaqt içida ozod etilgan hududlar haqida borayotganiga aniqlik kiritmagan. Ukraina qurolli kuçlari Boş ştabi 9 noyabr kuni mamlakat armiyasi Xerson yönalişida 12 ta aholi punktini ozod etganini ma’lum qilgandi. 10 noyabr kuni ukrain harbiylari Mikolayiv oblasti tarkibidagi Snigirevka şaharçasi ozod etilganini xabar qilişdi — bu Dnepr daryosining öng sohilidagi muhim logistik uzel hisoblanadi. Reuters agentligi ozod etilgan Snigirevkada olingan fotosuratlarni namoyiş etgan.

Kreml qöşinlar olib ketilganiga qaramay, annexia qilingan Xerson oblastini RF sub’yekti deb hisoblaşda davom etmoqda. Bu haqda RF prezidenti matbuot kotibi Dmitriy Peskov jurnalistlar bilan suhbatda aytib ötdi. «Bu Rossiya Federatsiyasi sub’yekti, bu maqom qonunçilikda mustahkamlab qöyilgan. Bu borada özgariş bölişi mumkin emas», — degan Peskov. U Kreml Xerson taşlab çiqilişini şarmandalik deb hisoblamasligini bildirgan.

Ukraina qöşini Xersonga kira boşladi

11 noyabr kuni kunning ikkinçi yarmida Ukraina qurolli kuçlarining ilk qismlari Xersonga kirib kela boşladi. Bu ma’lumotni «Gromadske» naşriga şahar mahalliy aholisi, mahalliy jurnalistlar, şuningdek Xerson oblasti ma’muriyatidagi manbalar tasdiqlagan.

Ijtimoiy tarmoqlarda Xerson aholisi şahar köçalarida ukrain askarlarini olqişlayotgani aks etgan foto va videolar tarqalgan. Şuningdek, harbiylar Xersondagi politsiya boşqarmasiga Ukraina bayroğini ilayotgani aks etgan kadrlar paydo böldi.

Bundan taşqari, internetda Xerson oblasti ma’muriyati binosi oldida Ukraina bayroğini tutib turgan odamlar fotosi tarqaldi.

Ukraina hukumati ham, Ukraina armiyasi ham hozirça mamlakat qurolli kuçlari şaharga kirgani töğrisida rasman e’lon qilmadi. Ammo ukrain mulozimlari bunga işora qilişmoqda. Xususan, Ukraina prezidenti ofisi rahbari Andrey Yermak telegram-kanalida «11.11.2022» sanasi bilan qisqa post qoldirgan.