«Içkarida nima bölgani aniqlanişi şart» - faollar farğonalik 15 yaşar ösmir ölimi haqida
|23:55 / 13.11.202238 2767 min
Foto: Kun.uzFoto: Kun.uz
15 yoşli Ravşanbek Abdusattorov Farğona viloyat IIBga qaraşli Voyaga yetmaganlarga ijtimoiy-huquqiy yordam körsatiş markazida sirli tarzda ölim topgani jamoatçilikda e’tiroz va savollar uyğotmoqda. Faollar bu hodisa tizimning muammosini körsatgani, haligaça yuqoriroq lavozimli biror mulozim yuz bergan voqea böyiça tuşuntiriş bermagani yoki uzr söramaganiga urğu qaratmoqda.
Ravşanbek Abdusattorov 16 oktyabr kuni savdo majmuasidan jami 17 ming sömlik qurut va içimlik olib, pulini tölamay çiqib ketayotganda sotuvçilar tomonidan uşlanib, hududdagi profilaktika inspektorlariga topşirilgan. Inspektorlar Ravşanbek Abdusattorovni dastlab Buvayda IIBga, söngra Qöqon şahridagi Voyaga yetmaganlarga ijtimoiy-huquqiy yordam körsatiş markaziga olib borişgan. Oradan ikki kun ötgaç şu muassasadan uning jasadi çiqadi.
Kun.uz suriştiruvi davomida uning ölimi ança vaqt uning yaqinlaridan sir tutilgani ma’lum böldi. Rasmiylar marhumning ölimiga markazdagi sakkiz nafar bola bilan kelib çiqqan nizo sabab bölganini aytişmoqda. Biroq bolaning yaqinlari bunga işonmayapti. Holat yuzasidan Qöqon şahar prokuraturasi tomonidan jinoyat işi qözğatilib, ikki kişiga nisbatan «qamoq» ehtiyot çorasi qöllangan. Viloyat IIB xodimlariga nisbatan xizmat tekşiruvi tayinlangan, ikki nafar xodim IIO xizmatidan böşatilgan. Ular navbatçilik qilgan kunda tarbiyalanuvçilarni nazoratsiz qoldirib, janjalning oldini olmagani uçun jazolangan. Holat Bola huquqlari böyiça vakil (Bolalar Ombudsmani) nazoratiga olingan.
Jurnalist Aziza Qurbonova prokuratura tez orada «içkarida» aslida nima bölganini aniqlaşi, sud işi esa oçiq bölişi şartligini ta’kidlagan.
Mavzuga oid
– Uçköpriklik 14 yoşli Ravşan 16 oktyabr kuni Farğona viloyati Buvayda tumanidagi «Ansor» dökonidan qurut va pepsi (17 ming söm) öğirlaydi, uni oldin tuman IIBga, söng Qöqondagi voyaga yetmaganlar markaziga olib ketişadi. Uyidagilarga xabar ham berilmaydi.
2 kundan söng, 18 oktyabrda bolaning ölgani ma’lum böladi… Bolaning ölimi haqda birinçi bölib toğasining «Morg»da işlaydigan tanişi aytadi: «Tanidim, jiyaningning murdasini yormasimdan oldin kelib kör…»
IIB xodimlari esa bu ikki kunda ona şörlikka takror va takror «yaxşi joyda yuribdi, uxlayapti» degan gaplarni aytişadi…
Bola markazdagi ösmir bolalar kaltaklagani tufayli jarohatlardan vafot etgan degan dastlabki versiyalar aytilyapti. Ikki kişi ehtiyot çorasi sifatida qamoqqa olingan, xodimlarga xizmat tekşiruvi ötkazilmoqda, deyilibdi.
Şunçaki, ona va toğaning hikoyasini eşitganingizdayoq tizimning çirib ketganini körasiz: söroq qilinuvçilarning elementar huquqlari buzilişi, yaqinlariga öz vaqtida xabar berilmasligi, xavfsizligi ta’minlanmasligi, qiynoqlar qöllaş davom etayotgani — klassik holat.
Huquqni muhofaza qiluvçi, ayniqsa içki işlar organlari binosidan odamlarning öligi çiqişi odatiy holga aylanib bormoqda. Misollar internetda tiqilib yotibdi.
Har kuni davlat telekanallarida efirga berilgan «urdi-qoçdi-öldi-ketdi», «içki işlarning malakasi oşirildi» kabi lavhalarni IIV rasmiy kanaliga joylaştirişadi. Bu voqeaning dastlabki tafsiloti haqida rasmiy kanalda birorta materialni topolmadim.
Dod desak ham 45 yoşli onaning yolğiz köz bilan östirgan bolasini heç kim endi qaytarolmaydi. Lekin yana boşqalar ölmasligi uçun ham bizni himoya qilişi kerak bölgan tizim boşboşdoqçiligidan, tizimsizligidan bugun dod solişimiz şart.
Tarmoqlarda odamlar izoh sörab yonib yotibdi. Prokuratura tez orada «içkarida» aslida nima bölganini aniqlaşi, sud işi esa oçiq bölişi şart.
«Qaçon aniq hisobot beriladi?»
BBC Özbek xizmati muxbiri Ibrat Safo holat yuzasidan şu paytgaça tayinli axborot berilmaganidan yozğirgan.
– Vodiylik 15 yaşar bola borasida na bir tayinli ma’lumot berildi, na vazir «özim nazoratga olaman, kimning qöli ostida bu sodir bölgan bölsa jazolayman» dedi. Heç narsa bölmagandek, forumlar-u karnay-surnaylar.
Ming azob bilan uni katta qilgan yolğiz onaning özi yetim qoldi. Ikki kun unga öğlining ölganini aytmagan va turli bahonalar bergan IIB xodimlari ayb özlarida ekanini bilişgandirki, ölim holatini yaşirganlar. Hatto onasiga telefon qilib, «öğlingizning biror kasali bormidi» deb söraganlar.
Qaçon aniq hisobot beriladi, qaçon biror yuqori darajali amaldor buni vahşiylik deya tasvirlaydi?
Melisa uşlagan 15 yaşar bola içkarida öldi
Jurnalist Abror Zohidov farğonalik voyaga yetmagan bolaning ölimi yuzasidan berilgan izohlardan qoniqmaganini bildirgan.
– Farğonada melisa uşlagan 15 yaşar bola içkarida öldi. Izohni qarang: Bola özidan özi huşidan ketdi, hodisaga aloqador ikki nafar kişi uşlandi, xodimlarga xizmat tekşiruvi tayinlandi...
Tagiga qöşimça qilişmabdi – «urganlar obeddan, içki işlar xodimi yarim oylik premiyadan mahrum qilindi. Bolani nazoratsiz qoldirgan qarindoşlari esa javobgarlikka tortilib, işi sudga oşirildi», deb.
E, «jamiyatining közgudagi aksi» bölgan tizimingga öynab qöyay!
«Uni hibsga olganlar kimligi aniq»
Bloger Bahodir Boboyev marhum darsdan böş vaqtlarida bekor yurmay hunarmandçilik bilan şuğullangani, adaşib qilgan öğriligi uçun unga töğri yöl körsatiş örniga xulqi oğir bolalar örtasiga taşlaşganini qoralagan.
– Qöqon şahrida ösmir yigit 17 ming sömlik mahsulotni pulini tölamay çiqqani uçun voqea joyida hibsga olingan va voqea ösmir yigitning ölimi bilan yakun topgan.
9-sinf öquvçisi bölgan ösmir öqişdan böş vaqtida hunarmandlik bilan şuğullangan. Umuman olganda, bezori sifatlari bölmagan. Bolaning onasiga açindim judayam. Orzularini bolasiga boğlagan qança yolğiz onalar bor. 45 yoşli yolğiz ona uçun hayotiga mazmun beradigan heç kimi qolmadi.
Töğri, bola biroz ayb qilgan, ammo bu ösmirning ölimi uçun sabab böla olmaydi. Ösmirlar ötiş yoşida köp adaşadi. Ularga töğri yöl körsatiş har birimiz uçun mas’ul vazifadir.
Farzandlaringizni ehtiyot qilinglar. Kambağal bölsangiz ham bolani yaxşi kunlar kelişiga işontirib yaşang. Bunday ölim topiş barça onalar uçun juda qayğuli.
Bolaning ölim topişi öta sirli, ammo uni hibsga olganlar kimligi aniq...
