Mustang kompaniyasi chorva va parrandachilik uchun tayyor tabiiy ozuqalar yetkazib berishni boshladi

Bugun O‘zbekistonda chorvadorlar ozuqa va yem-xashak tanqisligini boshdan kechirayotgani sir emas. Chorva va parranda yetishtirish, ularni turli yuqumli kasalliklardan himoyalash, aholining sifatli go‘sht, sut va tuxum mahsulotlariga bo‘lgan talabini qondirish maqsadida harakat qilayotgan fermerlar uchun joriy yildan O‘zbekistonda ish boshlagan Rossiyaning Mustang kompaniyasi faoliyati bilan tanishdik.

“Bizning Mustang kompaniyamiz 30 yildan buyon Rossiyada faoliyat yuritib keladi. 1993 yildan beri jonivorlar uchun sifatli ozuqa tayyorlashga kirishganmiz. Bu bizning asosiy maqsadimiz va buni mehr bilan uddalayapmiz deb o‘ylayman. 30 yil davomida Rossiya va MDH davlatlari bozoriga sifatli va tabiiy ozuqalar, qo‘shimcha vitaminlar va minerallar yetkazib beryapmiz.

Bu mahsulotlar Smolensk va Moskva shaharlarida joylashgan 2 ta yirik zavodimizda ishlab chiqariladi. O‘zbekistonda ham bu mahsulotlarga talab kattaligi sabab 2022 yilda Toshkentda ham ofisimizni ochdik.

Biz bu yerda shunchaki kompaniya emas, fermerlar uchun ozuqa yetkazib berishda texnologik yechimlar beruvchi provayderga aylanishni, do‘st va hamkor bo‘lishni istaymiz. Chunki ular go‘sht, sut ishlab chiqarishadi. Biz ferma egalariga konsultatsiyalar beramiz, hayvonlarga ratsionlarini tayyorlashda yaqindan yordam beramiz.

Bizning mutaxassislarimiz faqat mahsulotni tayyorlash emas, chorva va parrandalar uchun to‘liq, sog‘lom ratsionni yaratish ustida ishlashadi. Fermerlarning ish ko‘lamini kengaytirish, foydasini oshirish uchun yordam berishadi. Ular fermalarga borib, u yerdagi ahvol bilan tanishib, kerakli maslahatlarni berishadi.

Mahsulotlarimiz to‘liq tabiiy tarkibdan tashkil topgan. Chorva va parrandalarga antibiotiklar, sun’iy qo‘shimchalar asosida tayyorlangan ozuqa arzon bo‘lishi mumkin, lekin u juda xavfli. Shuning uchun kompaniyamiz bunga qarshi va biz ulardan butunlay voz kechganmiz. Chunki bu jonivorlardan olinadigan mahsulotlarni odamlar, bolalar iste’mol qilishadi”, — dedi kompaniya rahbari Akrom Tolibov.

 Kompaniya mutaxassislari chorva va parrandalar uchun tabiiy ozuqalar, vitamin va minerallar tayyorlashdan tortib, fermerlarni o‘ylantirayotgan muammolarga birgalikda yechim topishda ham hamkorlik olib borishadi.

Savdo bo‘limi rahbari Akmal Bozorovning aytishicha, ko‘p sut beradigan sog‘in sigirlarda yo‘qotilgan energiya o‘rnini to‘ldiruvchi maxsus ozuqalar, yangi tug‘ilgan buzoqlarga ona suti tarkibi bilan boyitilgan mahsulotlar fermerlar uchun samaradorlikni oshirishda asqotadi.

Fermerlarning og‘irini yengil qilishni istagan kompaniya mutaxassislari hamkorlikda ishlayotgan fermalarga borib, ulardagi vaziyatni o‘rganadi. “O‘rganishlar asosida hayvonlarning oziqlanish ratsioni tuziladi va tayyorlanadi. Har bir ferma xo‘jaligi bilan individual tarzda ishlanadi”, - deydi mutaxassis Jasur Qurbonaliyev.

Mustang mahsulotlarini o‘z faoliyatida qo‘llayotgan Toshkent viloyatida joylashgan “Samsaraksoy” fermer xo‘jaligi ish yurituvchisi Odina Xoldorova ularning samarasi haqida gapirib berdi:

“Mustang kompaniyasi bilan 1 yildan buyon birga ishlayapmiz. Ularning barcha mahsulotlaridan foydalanib kelyapmiz. Bu mahsulotlar oshqozon-ichak faoliyatini yaxshilab, hayvonlar immunitetini ko‘taradi. Ular nafaqat ozuqa, balki shifobaxshlik, davolash xususiyatiga ham ega.

Hozir yem-xashak narxi oshgan, bu mahsulotlarni olganda ham narxdan yutamiz, ham chorvamiz yanada ko‘payishiga erishamiz. Masalan bu ozuqalarni bera boshlaganimizdan keyin sut unumdorligi sezilarli oshdi. Avvallari 20 litr sut beradigan sigirlarimiz hozir 30 litrgacha sut beradi. Tayyor ozuqalar tabiiy mahsulotlardan tayyorlangani uchun hech qanday nojo‘ya ta’siri yo‘q. Chorvamizda kasallikka chalinish kamayib, o‘sish darajasi yaxshilandi”.  

Mustang kompaniyasi mashaqqatli va uzoq rivojlanish yo‘lini bosib o‘tdi. Bu jarayon ularga yangi tamoyillar asosida ishlashni o‘rgatdi. Kompaniya uchun olinadigan iqtisodiy foyda emas, iste’molchi fikri va rivojlanishi muhim. Chunki doimiy va mustahkam hamkorlik, “Polizdan dasturxongacha” shiori asosiy o‘rinda turadi. O‘zbek fermeri sifatli ozuqadan foydalanishni bilsa, aholiga ham sifatli mahsulot bera oladi. Ayni vaqtda respublikaning Toshkent, Xorazm, Farg‘ona, Namangan, Andijon, Qashqadaryo viloyatlarida 50 dan ortiq fermer xo‘jaliklari kompaniya bilan yaqin hamkorlikda ishlaydi. 

23, 24 va 25 noyabr kunlari Toshkentdagi UzAgroExpo xalqaro ko‘rgazmasida kompaniyamiz o‘z mahsulotlari bilan ishtirok etadi. Chorva va parrandachilik yo‘nalishida tavsiyalar va hamkorlik uchun ko‘rgazmadagi kompaniya paviloniga tashrif buyurishingiz mumkin.

Murojaat uchun:

+998 77 001 75 73

+998 77 002 71 72

+998 77 003 79 78

Bizning vebsayt: www.mustangtk.uz

Telegram kanalimiz: t.me/mustangtkuzb