«Ularni chempionga aylantirsang, ular ham seni chempion qiladi...»
Ertak yaxshilik bilan tugadi.

Foto: Getty Images
Ertaklar ikki xil bo‘ladi. Birida qandaydir kambag‘al yigit ajdarhoni o‘ldirib, malika va yarim podshohlikka ega bo‘ladi. Ikkinchisida, bosh qahramon – shahzoda, malikaga yetishishi uchun o‘zini isbotlashi kerak. Gilam to‘qibmi, etik tikibmi, shunchaki, u odamlar orasida ham bo‘la olishini, hammasini unga taqdir in’om etmaganini ko‘rsatishi kerak bo‘ladi.
Masalan, Maradona birinchi toifaga tushadi. U doim hammaga qarshi chiqishga majbur bo‘lar, faqat qora xalq uning yaxshi ko‘rardi. Uni doim tepishar, xatosini kutishar, oxirgi ikki mundialini u yig‘lab tark etdi – birida finalda belgilangan bahsli penalti, ikkinchisida maydon tashqarisidagi o‘yinlar tufayli.
Messi – shahzoda. Buni ilgari ham yozgandim, Barselona qirolligida voyaga yetdi, ulg‘ayganda, taxt unga tayyorlab qo‘yilgan, yo‘llar tozalangan, unga xalaqit berishi mumkin bo‘lgan Ronaldinodan tortib, Zlatanlargacha javob berib yuborilgan. Messi albatta, o‘sha ajdarho bilan doim urishib yuradigan kambag‘al yigitdan kam emasdir, ammo buni isbotlashi shartmas, unaqa ehtiyoj yo‘q.
Aslida qirollik klubi «Real» bo‘lsa-da, chinakam qirollik Barselonada. «Bernabeu»da hech kim shunchaki sevilmaydi, u yerda gladiatorlar yangi qahramon chiqquncha tinmay jang qiladilar, o‘zlarini isbotlaydilar. Olomon gollarni, g‘alabani, qonni talab qiladi. «Kamp Nou» esa, baxtli qirollik, sevgi va sadoqat ulug‘lanadi, Messi mana shu taxtning vorisi.
Xullas, shunday bo‘ldiki, ertak qiziqroq chiqishi, malikaga erishishi uchun shahzoda odamlar qatoriga tushishi, sheriklari bilan g‘alaba qozonib, o‘zini isbotlashi kerak bo‘lib qoldi. U avvalgidan yaxshiroq o‘ynayapti, aldayapti, yuguryaptimi? Ha. U avvalgidan yaxshiroq o‘yinchi, aldovchi, yuguruvchi bo‘lib qoldimi? Yo‘q.
Messi talant, tug‘ma iste’dod, o‘zga sayyoralik. Ammo shu safar undan insoniy vazifalar, insoniy tuyg‘ular talab qilindi. Kulgi, g‘azab, orzu, ojizlik, shiddat, qo‘rquv...
Menimcha, birinchi marta shunaqa sinovga duch keldi, endi nafaqat gollar urib paslar berishi, maydonda yetakchilik qilishi, balkim kattaroq, shu paytgacha qilmagan vazifalarni gardaniga yukladi. Jamoani o‘z atrofida jipslashtirishi, ahillikning markazida bo‘lishi kerakki, har bir futbolchi tarixning bir bo‘lagidek his qilsin o‘zini. Hammasi yana ters ketib, finaldagi ustunlik sovurilgan pallada ham, hammaga yetadigan qayta kuch topa bilish. E’tibor bersangiz, har o‘yinning qahramoni boshqa – bir safar Alvares masalani hal qildi, boshqasida Di Mariya, yana birida Enso Fernandes, Emiliano Martines... Skaloni umuman shu turnirda dahoga aylandi. Kimdir yosh, kimdir go‘yoki davri o‘tib bo‘lgan, kimdir shunchaki «Brayton» futbolchisi. Ularni chempionga aylantirsang, ular ham seni chempion qiladi. Messiga aytyapman.
Ertak yaxshilik bilan tugadi. Messi maqsadiga erishdi. Ammo hayot davom etadi, yangi qahramonlar, yangi ertaklar bilan. Barchasi uchun rahmat.
Qahramon Aslanov
Tavsiya etamiz
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
Urush tugadi, endi Isroil va Eron nima qiladi?
Jahon | 12:02 / 30.06.2025
Ko‘chmas mulk savdosini naqdsiz shaklga o‘tkazish rejalashtirilyapti
Iqtisodiyot | 11:26 / 30.06.2025
Hindistonda o‘n millionlab odam uran bilan ifloslangan suvni ichmoqda - olimlar
Jahon | 09:01 / 30.06.2025
So‘nggi yangiliklar
-
«Bu hazilmi?» – peruliklar prezident maoshining ikki baravar oshirilganini keskin muhokama qilishyapti
Jahon | 20:44
-
Avstraliyada erkak juda kam uchraydigan virusdan vafot etdi
Jahon | 20:40
-
Surxondaryoda 65 sotix yerni 1,1 mlrd so‘mga sotishga uringan shaxslar ushlandi
Jamiyat | 20:36
-
Buxoro viloyati sobiq hokimi Damir Yadgarov vafot etdi
O‘zbekiston | 20:13
Mavzuga oid

13:36 / 30.06.2025
«PSJ» Messi va jamoasini ayamadi. O‘yin taqdiri birinchi bo‘limdayoq hal bo‘ldi

12:31 / 20.06.2025
«Inter Mayami» Messining shedevri bilan kambek qildi, «PSJ»da sensatsion mag‘lubiyat

12:00 / 16.06.2025
Messi golsiz boshladi, «PSJ» «Atletiko»ni ham yakson etdi, «Bavariya» 10 ta gol urdi

17:44 / 14.05.2025