Moliya vazirining “O‘zbekiston hududida qo‘llash uchun moliyaviy hisobot xalqaro standartlari va unga tushuntirishlar matnini tan olish to‘g‘risida”gi buyrug‘i qabul qilindi.
Moliyaviy hisobot xalqaro standartlari (MHXS) moliya hisobotlarini taqdim etishdagi tafovutlarni bartaraf etishga, kompaniyalar, jahon miqyosidagi kompaniyalar tomonidan taqdim etiladigan ma’lumotlar sifatini oshirishga qaratilgan standartlar majmui. O‘zbekiston MHXSga bosqichma-bosqich o‘tib kelmoqda.
Hujjatga muvofiq O‘zbekiston hududida 60 dan ziyod MHXS va ularga tushuntirishlar matni qo‘llaniladi. Standartlarda xo‘jalik yurituvchi sub’yektlar faoliyati ayrim yo‘nalishlari bo‘yicha hisob yuritish va hisobotni shakllantirish bo‘yicha qoidalar mujassamlashgan.
