Yunusobod tumanida yirik yo‘l-transport hodisasi sodir bo‘ldi. Toshkent shahar IIBB YHXB axborot xizmati holat yuzasidan ma’lumot berdi.
Foto: Toshkent shahar IIBB YHXB axborot xizmati
2023 yil 12 yanvar kuni soat 20:40 larda Yunusobod tumani Yangishahar ko‘chasida bir qancha transport vositalari to‘qnashuvi oqibatida yo‘l-transport hodisasi sodir bo‘lgan.
Jami 17 ta avtomashina o‘rtasida to‘qnashuv yuz bergan:
- «Nexia-3» - 2 ta;
- «Nexia-1» - 2 ta;
- «Mercedes Bens» - 1 ta;
- «Best tune T 33» - 1 ta;
- «Damas» - 1 ta;
- «Matiz» - 5 ta;
- «Spark» - 2 ta;
- «Kia K 5» - 1 ta;
- «Volsvagen» - 1 ta;
- «Isuzu» yuk mashinasi - 1 ta.
Yo‘l-transport hodisasi natijasida 1 nafar haydovchi va yo‘lovchi tan jarohati olgan, ular hozirda shifokorlar nazoratida.
Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
