7 fevral kuni kechqurun Rossiya qo‘shinlari Xarkivga hujum qildi, deb xabar berdi viloyat harbiy ma’muriyati boshlig‘i Oleg Sinegubov.
«Diqqat! Okkupantlar zarba berishmoqda», deb yozgan u Telegram'da. Sinegubov aholini boshpanalarda qolishga chaqirgan.
Xarkiv viloyatida havo ogohlantirishi e’lon qilindi. Xarkiv meri Igor Terexov shaharda oltita portlash sodir bo‘lganini ma’lum qilmoqda.
Uning so‘zlariga ko‘ra, shaharning Kiyev tumanidagi sanoat obektiga uyushtirilgan hujumlar haqidagi ma’lumotlar tasdiqlangan, shuningdek, raketa zarbasi berilgan obektlardan birida yong‘in sodir bo‘lganligi haqida ham ma’lumotlar bor.
5 fevral tongida ham Xarkiv markaziga raketalar uchib kelgandi. Rossiyaliklar zarbasi oqibatida besh kishi yaralangan.
Shahar meri Igor Terexov ma’lumotiga ko‘ra, shaharning Kiyev rayoniga S-300 tizimining ikki raketasi yo‘llangan. Ulardan biri Shahar xo‘jaligi milliy universiteti bosh korpusining yuqori qavatiga urilgan. Ikkinchi raketa unga yaqin joylashgan to‘rt qavatli uyga qulagan, jami besh kishi yaralangan.
Shahar meri Xarkivning bu rayoniga harbiylar joylashtirilmaganini ma’lum qilgan.
