Sanatoriyga davolanish uchun yo‘llanmalar qaysi toifadagi shaxslarga berilishi aytildi

Sanatoriylarda davolanish uchun yo‘llanmalar qaysi toifadagi keksalar va nogironligi bo‘lgan shaxslarga berilishi ma’lum qilindi.

Foto: uzbek-travel.com

"Davlat xizmatlari yangiliklari" kanalida yozilishicha, sanatoriylarda davolanish uchun yo‘llanmalar qator shaxslar toifasiga bepul beriladi.

Ular quyidagilar:

urush nogironlariga va qatnashchilariga tenglashtirilgan shaxslar;
halok bo‘lgan harbiy xizmatchilarning yangi nikohdan o‘tmagan beva xotinlari (beva erlari);
respublika ahamiyatiga molik shaxsiy pensiya oluvchi shaxslar;
Chernobil AES halokati oqibatida nurlanish kasalligiga chalingan va uni boshidan kechirgan shaxslar, shuningdek, Chernobil AES halokati sababli nogiron bo‘lib qolgan shaxslar;
yadro poligonlari va boshqa radiatsiya-yadro obektlarida harbiy xizmatni o‘tagan pensiya yoshidagi shaxslar;
I va II guruh nogironligi bo‘lgan shaxslar, ko‘zi ojiz I guruh nogironini kuzatib boruvchi shaxs;
o‘zgalar parvarishiga muhtoj bo‘lgan yolg‘iz keksalar;
yoshga doir pensiya oluvchilar.