Surxondaryoda bugundan boshlab elektr ishlab chiqarish hajmi oshadi

Prezidentga ko‘ra, 2022 yilda ishga tushgan “Zarchob-1” va “Zarchob-2” GESlarida yiliga 201 million/kilovatt soat elektr ishlab chiqarilmoqda. Bugun ishga tushadigan “To‘palang GES”da yiliga yana 467 million/kilovatt soat elektr ishlab chiqarish qo‘shiladi.

Shuningdek, davlat rahbari viloyatda:
• oilaviy tadbirkorlik dasturlari uchun berilgan 1,1 trillion so‘mga qo‘shimcha 200 milliard so‘m ajratish;
• Jarqo‘rg‘on tumanidagi Biznes va yengil sanoat hamda Uzun tumanidagi Qishloq xo‘jaligi texnikumlari bo‘sh binolarida 1 ming o‘quvchi o‘rniga ega monomarkazlar tashkil qilish;
• bu monomarkazlarga Turkiya, Yaponiya va Germaniyadan 10 nafar tajribali mutaxassislarni olib kelib, zamonaviy kasblarga o‘qitishni yo‘lga qo‘yish bo‘yicha mas’ullarga topshiriq berdi.

“Lekin bu juda kam. Ulug‘bek Qosimov viloyat klasterlari bilan birga, 1 iyulga qadar 118 ta og‘ir mahallada kasanachilik loyihalarini boshlab, 10 ming aholini band qilish majburiyatini oladi”, dedi Shavkat Mirziyoyev.