09:28 / 24.03.2023
13840

Agrippina Shin Maktabgacha ta’lim agentligi direktori etib tayinlandi

Agrippina Shin maktabgacha va maktab ta’limi vazirining  birinchi o‘rinbosari - Maktabgacha ta’lim agentligi direktori etib tayinlandi.

Foto: Kun.uz

Agrippina Shin 1958 yil Sirdaryo viloyatida tug‘ilgan. Toshkent elektrotexnika aloqa instituti (hozirgi Muhammad Al-Xorazmiy nomidagi Toshkent axborot texnologiyalari universitetini tamomlagan. 

U mehnat faoliyatini 1980 yilda Toshkent elektrotexnika aloqa instituti ilmiy-tadqiqot laboratoriya katta muhandisi sifatida boshlagan.

1987-1993 yillarda Toshkent shahridagi 4-hunar texnika bilim yurtining ishlab chiqarish ta’limi ustasi, 1993-2001 yillarda Toshkent shahridagi 4-hunar texnika bilim yurtining o‘quv-ishlab chiqarish ishlari bo‘yicha direktor o‘rinbosari bo‘lgan.

2001-2017 yillarda Toshkent axborot texnologiyalari kasb-hunar kolleji direktori, 2017-2022 yillarda O‘zbekiston maktabgacha ta’lim vaziri sifatida ishlagan.

Agrippina Shin 2022 yilda maktabgacha va maktab ta’limi vazirining birinchi o‘rinbosari etib tayinlangandi. 

Ma’lumot uchun, yanvar oyida prezident qarori bilan Maktabgacha va maktab ta’limi vazirligi tizimida yangi tayinlovlar amalga oshirilgandi.

Unga ko‘ra, Usmon Sharifxo‘jayev maktabgacha va maktab ta’limi vazirining birinchi o‘rinbosari lavozimiga tayinlandi.

Shuningdek:

  • Temur Komilov maktabgacha va maktab ta’limi vazirining o‘rinbosari lavozimiga;
  • Dilshod Kenjayev maktabgacha va maktab ta’limi vazirining o‘rinbosari lavozimiga;
  • Uzoq Begimqulov maktabgacha va maktab ta’limi vazirining o‘rinbosari lavozimiga;
  • Alisher Ubbiyev maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi direktori lavozimiga tayinlandi.
Top