«Aeroflot»ning Farg‘onadan Toshkentga uchishi lozim bo‘lgan reysi kechiktirildi

«Aeroflot» aviakompaniyasining Farg‘onadan Toshkentga uchishi lozim bo‘lgan reysi texnik sabablarga ko‘ra kechiktirildi. 

3 aprel kuni Toshkent vaqti bilan soat 04:14 da bortida 81 yo‘lovchi bilan Moskvadan Farg‘onaga (SU1970 reysi) kelgan «Aeroflot» aviakompaniyasining samolyotida texnik nosozlik yuzaga keldi. 

Parvozni davom ettirish uchun samolyotni almashtirishga qaror qilingan.

Farg‘ona — Toshkent yo‘nalishidagi parvoz mahalliy vaqt bilan soat 05:45 dan 17:30 ga ko‘chirilgan. Ushbu parvozni amalga oshirish uchun «Aeroflot» Sheremetevo aeroportidan (Moskva) qo‘shimcha B737-800 tipidagi samolyotni jo‘natgan. 

Ushbu samolyot kelgunigacha yo‘lovchilar mehmonxonalarga joylashtirilgan.