«PSJ» intrigani öldirdi, «Siti» va «Real» autsayder bilan öyinda qiynaldi. Kun öyinlari
|20:33 / 16.04.202338 63822 min
Yevropa futbolida şanba oqşomidagi asosiy voqealar, öyinlardagi gollar va turnir jadvalidagi vaziyat.
Angliya: Holand gol urişda davom etmoqda, «Çelsi» çökmoqda
Aston Villa – Nyukasl 3:0
Gollar: 1:0 – 11 Remzi, 2:0 – 64 Uotkins, 3:0 – 83 Uotkins.
Aston Villa – Martines, Yang, Mingz, Konsa, Moreno, Dendonker, Makginn, Buendia, Duglas Luis, Remzi (Çembers, 85), Uotkins.
Nyukasl – Poup, Tripper, Şer, Botman, Bern (Targett, 68), Bruno Gimaraes, Uillok (Longstaff, 68), Merfi (Uilson, 56), Joelinton (Anderson, 80), Gordon (Almiron, 56), Isak.
Ogohlantirişlar: Şer (22).
Turni boşlab bergan öyin afişa nuqtayi nazaridan eng şov-şuvli öyin bölmasa-da, mohiyatan kunning asosiy öyini edi. Bir tomondan «Nyukasl» YeÇLda iştirok etişni maqsad qilgan. Boşqa tomondan — «Aston Villa» Unai Emeri kelganidan buyon şu qadar özgardiki, u kelganidan keyingi davrda Birminghem jamoasi töplangan oçkolar soni böyiça faqat «Arsenal» va «Mançester Siti»dan ortda.
Jyeykob Remsining goli bilan maydon egalari bu natija tasodifiy emasligini körsatişdi. Tanaffusga qadar birgina Remsi ega bölgan vaziyatlar soni (3) «qarğalar»da yuzaga kelgan jami vaziyatlar soniga teng böldi. «Villa» birinçi bölimdayoq hisobni yirik körinişga keltirişi mumkin edi, avvaliga Uotkinsning zarbasi ustunga tegdi, keyin u raqib mudofaasini doğda qoldirib bergan zarbasini Poup oyoqlari uçi bilan qaytardi. Angliyalik forvard ikkinçi bölimda darvozani işğol etdi, ammo videotakrordan keyin kiçik ofsayd qayd etildi. Hujumçi oldinga taşlanişda davom etdi va keyingi vaziyatdan aniq foydalandi, öyin oxirida esa öyindagi yakuniy natijani örnatib, sönggi 12 turda urgan gollari sonini 11 taga yetkazdi.
U yil boşidan buyon şunça gol urgan. Bu davrda Uotkins APLning eng yaxşi töpurari, şuningdek gol+pas tizimi böyiça ham yetakçi (14). Qatorasiga beşinçi öyinda ğalaba qozongan «Aston Villa» endi 2023 yilda töplangan oçkolar soni (32) va quruq öyinlar soni (8) böyiça tengsiz jamoa. Emeri effekti aql bovar qilmas darajada, «Nyukasl» esa çempionatning bu mavsumida ilk bor uçta gol ötkazib yubordi va törtlik uçun kuraşda raqobatçilariga imkon berdi.
Lekin «Tottenhem» bu sovğadan foydalana olmadi va öz uyida sensatsion ravişda «Bornmut»ga yutqazdi. «Şporlar» «MYu» va «Nyukasl»dan köra köproq öyin ötkazgani hisoblansa, ular Çempionlar ligasi yöllanmasi uçun kuraşda autsayder hisoblanadi. Şanba kuni Solankening öyini londonliklar uçun dahşatli tuşga aylandi, u özi gol urişidan taşqari, ikkita golga uzatma berdi. Bu uzatmalardan ikkinçisidan Uattar unumli foydalanganida — sekundomerda 94:11 raqamlari aks etgandi. Va bu gol Danjumaning öyinni qutqarib qolgandek köringan javob golidan bir neça daqiqa ötib urildi. Bu «Bornmut» uçun APLdagi iştiroki davrida eng keç urilgan ğalaba goliga aylandi.
«Çelsi»ning qulaşi davom etmoqda, Frenk Lempard esa vaziyatni önglay olmayapti. Murabbiy har öyin uçun jamoa tarkibi va sxemalarini özgartirib körmoqda, ammo natija özgarmayapti. Bu mavsumda oçiq va quvnoq öyin körsatayotgan «Brayton» bilan öyinda Mudrikning pasidan keyin Gallaher hisobni oçişi ham yordam bermadi. «Çaykalar» şundan keyin taşabbusni qölga oldi, Kepa köp vaziyatlarda özini körsatişiga töğri keldi, baribir bölim oxirida Uelbek hisobni tenglaştirdi, ikkinçi bölimda çap qanotda hujum uyuştirgan Ensiso Jyeyms va Çaloba örtasidagi tuşunmovçilikdan foydalanib, zarba berdi, töp ustundan qaytdi, Uelbekning zarbasi esa tösin ustidan ötib ketdi. Ensiso baribir öz maqsadiga erişdi va uzoq masofadan yöllangan aniq zarbasi bilan jamoasiga köklar ustidan safardagi ilk tarixiy ğalabani keltirdi. Bu natija mutlaqo öyin mantiğidan kelib çiqdi, jami zarbalar böyiça (26-8) va darvoza sohasiga borgan aniq zarbalar böyiça (10-2) mutlaq ustunlik mehmonlar tarafida böldi.
«Mançester Siti»ning barça turnirlar doirasidagi ğalabali seriyasi ön öyinga yetdi. «Şaharliklar» Çempionlar ligasida «Leypsig» mudofaasini yakson etganidan beri (7:0) olti öyinda kamida uçtadan gol urmoqda. «Lester»ga qarşi öyinda bunday seriyani davom ettirişga Brendan Rodjyers böşatilgani va uning örnida Din Smit boşçiligidagi murabbiylar ştabi iş boşlagani ta’sir körsatmadi va bu norma birinçi bölim örtalariga kelib bajarib bölindi.
Holand ikki gol urdi va APL mavsumidagi gollari sonini 32 taga yetkazib qöyib, bu borada Salohga tegişli bölgan natijani takrorladi. Norvegiyalik hujumçi yana ikki aniq zarba berib, turnir rekordçilari — Endi Koul va Alan Şirerning rekordlarini takrorlaşi mumkin. Lekin bu yerda muhim bir jihat bor: ikki afsonaviy forvard turnirda 22 tadan jamoa bölib, mavsumdagi öyinlar soni 42 tani taşkil etganida 34 tadan gol urişgan. Holand esa hozirning özida çempionat 38 turlik taqvimga ötganidan keyingi maksimal natijani takrorlab ulgurdi.
Öyin masalasi hal bölgaç, Gvardiola tanaffusda birinçi bölim qahramonlari Stounz va Holandni almaştirdi, ikkinçi bölim boşida Rodri va de Bryuyne ham maydondan olindi. Bu esa jamoa öyiniga ta’sir körsatmay qolmadi, Ihenaço javob golini urdi, şundan keyin mehmonlar töliq hujumda öynay boşladi va qator golli vaziyatlarga ega bölişdi, ammo Medison yakkama-yakka vaziyatdan foydalana olmadi, Ihenaçoning qulay vaziyatdan yöllagan zarbasi esa darvoza ustuniga tegdi, yana bir vaziyatda töp jarima maydoni içida mezbonlar futbolçisining qöliga tekkanida boş hakam penalti belgilaş uçun asos topmadi.
La ligada şanba kungi öyinlarning «Real» öyiniga qadar dasturi törtinçi örin uçun da’vogarlar körigiga aylandi, birinçi bölib maydonga bir hafta muqaddam «Santyago Bernabeu»dan ğalaba bilan qaytgan «Vilyarreal» çiqdi. Ammo, aftidan, «sariq submarinalar» deyarli barça hissiyotlarni öşa öyinda qoldirişgan, qolgani esa madridliklar futbolçisi Valverdening öyindan keyin Baenaga bergan zarbasi atrofidagi mojaroga sarflangan. Uşbu jabrlanuvçi şanba kungi öyinning boşlanğiç tarkibidan joy oldi, ammo öyinda ligada jon saqlaş uçun kuraşayotgan «Valyadolid»ning marokaşlik legionerlari barçasini hal etişdi. 14-daqiqadayoq hisob 0:2 körinişini oldi. Kike Seten jamoasi bunga ikkinçi bölimda faqat bir zarba bilan javob qaytara oldi va jamoaning «Real Sosedad»ga yaqinlaşiş imkoniyatlari kamaymoqda.
Ammo bunday imkoniyat nolga tuşib ketmadi, çunki San-Sebastyan jamoasi barqaror öyin körsata olmayapti. Sönggi vaqtlarda jamoa uy öyinida ğalaba qozonib, safarda mağlubiyatga uçraşni odat qilgan, şanba kuni Bilbaoda bölib ötgan basklar derbisi ham bundan mustasno bölmadi. Öyinda dubl qayd etgan Inyaki Uilyams «Atletik» futbolçilari sönggi 11 yil mobaynida uşbu aşaddiy raqibga qarşi öyinlarda kuzatilmagan işni uddaladi. Ernesto Valverde jamoasi bu ğalabadan keyin yevrokuboklarga yöllanma beruvçi oltinçi örin bilan farqni ikki oçkogaça qisqartirdi.
Lekin köp ötmay «Betis» xavfli zonadagi «Espanol» ustidan işonçli ğalabaga erişgaç, «Atletik» bilan oradagi farqni yana 5 taga oşirdi. Kataloniyaliklar jamoasiga ustozlik qilayotgan Luis Garsiya klubdagi vaziyatni önglay olmayapti va tayinlanganidan keyingi ikki öyinda yutqazdi, natijada jamoaning mağlubiyatli seriyasi olti öyinga yetdi. Manuel Pellegrini jamoasi esa «Vilyarreal»ni ortda qoldirib, beşinçi öringa kötarildi. Törtinçi öringaça — uç oçko bor, bir turdan keyin «Betis» «Real Sosedad» bilan yuzma-yuz keladi.
Birinçi bölim «Kadis» darvozaboni Hilning benefisiga aylandi. U haqiqiy möjiza körsatdi, qaytgan töpga Benzema bir neça metrdan turib zarba berganida esa uning omadi kelib, töp tösinga tegdi. Tanaffusdan keyin ham favorit vaziyatlardan foydalana olmaslikda davom etdi.
La ligada 100-öyinini ötkazgan Rodrigo birga-bir vaziyatga çiqib borib Hilni doğda qoldira olmadi, şuningdek Valverdening uzatmasidan keyin töpni böş burçakka yönaltirişning ham uddasidan çiqmadi. Benzemaning ikkinçi bölimdagi zarbasiga esa darvoza ustuni tösqinlik qildi... Natijada, jamoasi hujumçilarining ojizligini tomoşa qilişdan çarçagan himoyaçi Naço jarima maydoni taşqarisidan kuçli zarba yöllab hisobni oçdi, biroz oldinroq raqib safida öyinga zaxiradan tuşgan ukasi Aleks unga xalal berişga ulgurmadi.
Qolganini uzoq ustun tomonni aniq zarba bilan nişonga olgan Asensioning texnikasi hal qildi. Uşbu havbek gollari sonini 10 taga yetkazdi, asosiy tarkib futbolçi bölmagan uşbu futbolçi örtaça har 88 daqiqada gol urmoqda yoki şeriklarini samarali pas bilan ta’minlamoqda. Aynan şuning uçun Karlo Ançelotti bu futbolçi unga kerakligini aytmoqda va Asensio «Real» bilan şartnomasini uzaytirişini istamoqda.
Stefano Pioli Çempionlar ligasi çorakfinalida «Napoli»ga qarşi keçadigan öyin oldidan özi uçun nima muhimligini aniq namoyiş etdi va Bolonyadagi öyinda asosiy tarkibni deyarli töliq özgartirdi (faqat Menyan istisno). «Milan» amalda ikkinçi tarkib bilan maydonga çiqdi va 33-sekunddayoq gol ötkazib yuborilganini şu bilan izohlaş mumkin.
Lekin bu golga tanaffus arafasida Pobeganing uzoq masofadan yöllagan zarbasi bilan javob qaytarildi. Lekin «rossoneri»lar tavakkalçilik qilişmadi va öyinda durang hisob saqlanib qoldi. Bu natija yevrokuboklar uçun raqobatçilar foydasiga xizmat qiladi, bu öyinning «berib yuborilgani» özini oqlaydimi, yöqmi — keyingi haftada Neapolda keçadigan öyin körsatadi.
Napoli – Verona 0:0
Napoli – Meret, Di Lorenso, Jyezus, Kim Min Çje, Olivera, Demme (Zelinski, 64), Zambo-Angissa, Elmaz (Lobotka, 73), Politano (Zedadka, 84), Losano (Kvaratsxeliya, 64), Raspadori (Osimxen, 73).
Ogohlantirişlar: Çekkerini (14), Terraççano (78), Davidoviç (90), Kvaratsxeliya (90), Verdi (90).
Luçano Spalletti tarkib tanlaşda u qadar radikal bölmadi, lekin turnirdagi vaziyatdan kelib çiqqan holda «Napoli» ham köproq yetakçilariga dam berişi mumkin edi. Bu tabiiyki, yevrokubok öyinlarida diskvalifikatsiyaga uçragan Kim Min Je va Zambo Angissaga taalluqli emas. Ammo Kvaratsxeliya va Zelinski öyinni zaxirada boşladi, asosiysi — ularning yonida jarohatidan tuzalgan Osimhen ham ötirardi. Nigeriyalik hujumçi ikkinçi bölimda zaxiradan tuşib, gol ura olmagan bölsa-da, u borligida neapolitanliklarning öyini qanday özgarişini körsatib berdi — uning sönggi daqiqalardagi zarbasi darvoza tösiniga tegdi. Undan bir neça kundan keyin «Milan»ga qarşi keçadigan öyinda gol urişi talab etiladi.
Çempionlar ligasining yana bir iştirokçisi ham tarkibda jiddiy rotatsiya amalga oşirdi, «Inter» hujumida Lukaku va Korrea dueti maydonga tuşdi. Ammo muvaffaqiyatsiz natijani şuning öziga boğlaş örinsiz. «Neradzurri»da darvozani işğol etiş uçun yetarliça imkoniyatlar böldi, ammo ular öz tarixida ilk bor qatorasiga uç uy uçraşuvida birorta gol ura olmasdan mağlub böldi. Bunday öyinlar bilan Simone Indzagi jamoasi beşinçi öringa tuşib ketgani ajablanarli emas. Adriano Gallianini xuşnud etgan «Monsa»ga esa bitta burçak zarbasi va himoyaçi Kaldirolaning boş bilan bergan zarbasi yetarli böldi.
Şanba kuni «Park de Prens»da keçgan öyinda amalda çempionlik intrigasi taqdiri hal bölişi kerak edi. Bu öyin esa parijliklar boş murabbiyi Kristof Galte irqçilik va musulmonlarga hurmatsizlikda ayblanişi fonida keçdi. Endi u «Nitssa»ning sobiq sport direktori, RMC Sport jurnalistlariga şu haqda aytib bergan Furne bilan (avvalroq Fransiya milliy jamoasi boş murabbiyi Dide Deşam ham uni sudga bergandi) sudlaşadi. Bunga parallel ravişda prokuratura ham öz tekşiruvini boşlagan, ammo muqaddam Galte bilan işlaganlarning barçasi uning yonini olmoqda.
Internetda murabbiy iste’fo yoqasida turgani haqidagi son-sanoqsiz hazillar yozilayotgan vaqtda «PSJ» ideal futbol namoyiş etdi. «Lans»ning özi ham amaldagi çempionlarning vazifasini osonlaştirib berdi, mehmonlar 19-daqiqadan bir kişi kam bölib öynaşdi. Qiziq jihati, bu mavsumda follar soni böyiça (69) ligada yetakçi bölgan Samed muddatidan oldin kiyim almaştiriş xonasiga yöl oldi.
Şundan keyin maydon egalari birinçi bölimning özida ham alohida öyinning, ham çempionlik kuraşining intrigasini kömib qöyişdi. Avvaliga Mbappe raqib darvozasini işğol etib, törtinçi bor bir mavsumning özida urgan gollari sonini 20 taga yetkazdi. Keyin esa Kilian va Messi çiroyli kombinatsiya uyuştirişdi, argentinalik futbolçi fransiyalik jamoadoşining tovon bilan bergan pasini qabul qilib, jarima maydoniga kirib bordi va darvozani işğol etdi. Bu joriy mavsumda Messi va Mbappe bir-biriga assist beriş orqali gol urilgan 23-golli kombinatsiyaga aylandi.
«Mançester Siti»dan uçralgan 0:3 hisobidagi mağlubiyatdan keyin Germaniya çempionlari öz uyida «Hoffenhaym»ga qarşi öyinda durang bilan kifoyalandi. Şu bilan birga, jamoa birinçi bölimda hisobni oçib, joriy mavsumda birinçi bölimda urgan gollari sonini 52 taga yetkazdi, bu orqali özining ikki yil oldin qayd etilgan rekordini takrorladi. Öyin oxirida «Bavariya» tom ma’noda raqibni jarima maydoniga qamab qöydi, ammo jamoa ğalabaga haqli edi deyiş qiyin. Jamoa fanatlari «Borussiya» öyinidan kelgan xabarni nişonlaşdi.
Dortmund bu öyinda peşqadamlikka qaytişga juda yaqin edi — çunki şanba kuni barça voqealar «Borussiya» foydasiga keçayotgandi. Avvaliga Malen öyinni yondirib, öng qanotda raqib himoyaçilarini fintlari bilan doğda qoldirdi va Allerga assistentlik qildi, keyin özi ham gol urdi. Buning ustiga birinçi bölim oxirlarida raqib tarkibida Mavropanos ikki sariq kartoçka oldi. Turnir jadvalining quyi qismidagi jamoaga qarşi öyinda bu vaziyatda ustunlik boy berilişini heç kim öylamagandi.
Ammo «Ştutgart» sinib qolmadi va ikkita gol bilan javob qaytardi. Ammo eng aql bovar qilmas voqealar öyinga qöşib berilgan daqiqalarda röy berdi. «Borussiya» Reynaning goli bilan nihoyat raqibni taslim qilgandek körindi.
Odatda bunday zarbadan keyin raqib öziga kela olmaydi, ammo mezbonlar qöşib berilgan yettinçi daqiqada gol urib, mağlubiyatdan qutulib qolişdi. Bu katta ehtimol bilan dortmundliklarga çempionlik xarakteri yetişmayotgani bilan boğliq, busiz esa hatto oqsoqlanayotgan «Bavariya»dan özib ketiş ham qiyin.
«Leypsig» esa özidan kutilgan öyinni namoyiş etdi. Ha, jamoa tezkor gol ötkazdi, ammo bunga reaksiya vaqtida va kuçli berildi. Ikki daqiqa içida dubl qayd etgan Verner turnirdagi gollari sonini 100 taga yetkazdi. Buning uçun uşbu hujumçiga 224 öyin yetarli bölgan, bu ğalabadan keyin mezbonlar kuçli törtlikdagi örnini saqlab qolişdi.
Beşinçi örinda kelayotgan «Frayburg» bu turda Marko Roze jamoasiga yetib ololmasligi aniq. «Union» esa «Bohum» bilan öz uyidagi öyinda oçko olsa, uçinçi öringa qaytişi mumkin.
Kun statistikasi
«Portu» futbolçilari 2 yildan buyon Portugaliya çempionatida uy öyinlarida penaltida xato qilişmayapti.
Belgiya divizionida 1994/95 yilgi mavsumda debyut qilgan «Ostende» ötgan vaqt içida 4-bor ikkinçi ligaga tuşib ketdi. Bu vaqt içida boşqa heç bir jamoa bunça köp bor qulamagan.
Roy Hojson tayinlanganidan buyon uç öyin ötkazgan «Kristal Pelas» 100 foizlik natijaga erişdi va bu öyinlarda 9 gol urdi.
«Fenerbahçe» futbolçilari joriy mavsumda Turkiya çempionatida 14 bor penalti tepiş huquqiga ega böldi.
20 mağlubiyat — «Groningen»ning Niderlandiya çempionatining bir mavsumidagi eng yomon natijasi. Autsayder jamoada bunday yomon körsatkiç 1974 yildan buyon kuzatilmagandi.
«PSJ» 31 turdan keyin 72 oçko jamğardi. Fransiya çempionati tarixida 31-turdan söng yetakçining bunça oçko töplaşi 8 bor kuzatilgan va barçasida öşa jamoa çempion bölgan.
