Қайд этилишича, пойтахтда жойлашган масжидларда Рамазон ҳайити намози ўқилиши муносабати билан, мазкур масжидларга ташриф буюрувчи фуқароларга қулайлик яратиш, йўлларда пайдо бўладиган тирбандликлар олдини олиш ҳамда Рамазон ҳайити байрамида сифатли, хавфсиз жамоат транспорти хизматини кўрсатиш мақсадида махсус автобус йўналишлари ташкил этилмоқда.
Мазкур автобус йўналишлари соат 04:00 дан 07:00 га қадар ҳаракатланган ҳолда фуқароларнинг масжидларга келиб кетишлари учун хизмат кўрсатади.
Транспорт вазирлиги Рамазон ҳайити намозига ташриф буюришда ушбу автобуслардан фойдаланишни тавсия қилган.
