Bryansk oblastida temiryo‘lda portlash amalga oshirildi. Yuk poyezdi izdan chiqib ketgan
Poyezdning nafaqat lokomotivi, balki neft mahsulotlari va yog‘och ortilgan yetti-sakkiz vagon ham relsdan chiqib ketgan.
![](https://storage.kun.uz/source/9/NxQLBBRuuWFPCShthPrkSaukwFAYviUJ.jpg)
Foto: TWITTER
Rossiyaning Bryansk oblastida temiryo‘lda portlovchi qurilma harakatga keltirilishi oqibatida yuk poyezdi relsdan chiqib ketgan va yong‘in yuzaga kelgan.
Unechsk rayoni hududida temiryo‘lda ro‘y bergan portlash oqibatida Bryansk oblasti gubernatori Aleksandr Bogomaz xabar berdi.
«Unechsk rayonida Bryansk-Unecha temiryo‘lining 136-kilometrida noma’lum portlovchi qurilma ishga tushirilgan, natijada yuk poyezdi lokomotivi relsdan chiqib ketgan. Jabrlanganlar yo‘q. Ayni vaqtda voqea joyida operativ xizmatlar ish olib bormoqda», deya yozgan region rahbari telegram-kanalida.
Yo‘lning Ukraina bilan chegaradan taxminan 60 km masofadan o‘tgan ushbu qismida harakat to‘xtatilgan.
Rossiya temiryo‘llaridan xabar berishlaricha, Moskva vaqti bilan 1 may kuni soat 10:17 da ro‘y bergan hodisa oqibatida lokomotiv yonib ketgan va yuk ortilgan yetti-sakkiz vagon izdan chiqib ketgan.
Xabar qilishlaricha, poyezd neft mahsulotlari va yog‘och olib ketayotgan bo‘lgan. Jabrlanganlar haqida ma’lumot yo‘q.
Poyezd Belarusning Gomel shahridan Bryansk tomon harakatlangan.
Bryansk oblasti Ukrain va Belarus bilan chegaradosh hisoblanadi. Mahalliy rasmiylar bungacha ko‘p bor hududda Ukraina manfaatlari yo‘lida amalga oshirilgan diversiya aktlari haqida xabar bergan.
Shanba kuni ham Bogomaz Ukraina bilan chegaradan taxminan 12 masofadagi Suzemka qishlog‘i o‘qqa tutilishi oqibatida tinch aholi vakillaridan to‘ri kishi halok bo‘lgani haqida xabar bergandi.
Ukrainaga bosqin boshlanganidan buyon Rossiya maxsus xizmatlari temiryo‘llarda diversiya amalga oshirishga tayyorgarlik ko‘rishda gumon qilingan shaxslar qo‘lga olingani haqida bir necha bor xabar bergan. FSB xabarlarida muntazam ravishda «ukrain kuratorlari» iborasi tilga olinadi, go‘yoki gumonlanuvchilar ularning topshirig‘i bilan temiryo‘llarda portlashlar uyushtirishga tayyorlangan. Aprel oyi o‘rtalarida «Mediazona» Rossiyada temiryo‘llardagi diversiya ishi bo‘yicha 65 dan ortiq kishi qo‘lga olinganini hisoblab chiqqan, ularning har uchinchisi — voyaga yetmagan bolalardir.
Mavzuga oid
![](https://storage.kun.uz/source/thumbnails/_medium/10/RuA8d7qCvUpL4JT8EVOIOGtE_A8Ur3G4_medium.jpg)
22:36 / 07.09.2024
Tramp Ukrainadagi urushni qanday tugatishni rejalashtirayotganini aytdi
![](https://storage.kun.uz/source/thumbnails/_medium/10/R6KYhgAelgLWM8shxLt8ThPaLMYmx0WF_medium.jpg)
19:26 / 07.09.2024
Blekautlarga qaramasdan Ukrainada elektromobillar soni ortyapti. Bunga sabab nima?
![](https://storage.kun.uz/source/thumbnails/_medium/10/YAkQKullZcnyDAwIaMzuLVxpzQGtpARy_medium.jpg)
18:44 / 07.09.2024
Ukrainada halok bo‘lgan Rossiya armiyasi vakillari orasida o‘zbekistonliklar ham bor – OAV
![](https://storage.kun.uz/source/thumbnails/_medium/10/e8JpomDrhPJmlg5LBayr5oiXIdCX91-P_medium.jpg)
11:00 / 07.09.2024