Ijtimoiy tarmoqlarda Qarshi tumani hududidan oqib o‘tuvchi kanal chetidagi yo‘lning oldida “Vaz-2106” rusumli mashina yonayotgani va uning ichida inson jasadi borligi haqida xabar tarqaldi.
Xabarda, mashina Qarshi-Beshkent yo‘li yoqasida yonib ketgani, jasad haydovchi o‘rindig‘ida o‘tirgani aytilgan.
Qashqadaryo viloyati prokuraturasi matbuot xizmatining ma’lum qilishicha, mazkur holat yuzasidan Qarshi tuman prokuraturasi tomonidan Jinoyat kodeksining 103-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.
Marhumning o‘limi sabablarini aniqlash bo‘yicha tegishli ekspertizalar tayinlangan. Jinoyat ishi tergovi viloyat prokuraturasi tomonidan alohida nazoratga olingan.
