Vazirlar Mahkamasining “Qishloq xo‘jaligi, melioratsiya va yo‘l-qurilish texnikalaridan foydalanish sohasida davlat xizmatlari ko‘rsatish tizimini takomillashtirish chora-tadbirlari to‘g‘risida”gi qarori qabul qilindi.
1 maydan boshlab jismoniy va yuridik shaxslarning qishloq xo‘jaligi, melioratsiya va yo‘l-qurilish texnikalarini harakatlanuvchi mobil texnik nazorat liniyalaridan foydalangan holda majburiy yillik texnik ko‘rikdan o‘tkazish amaliyoti joriy etiladi.
“O‘zagroinspeksiya”ga Raqamli texnologiyalar vazirligi bilan birgalikda 1 iyulga qadar “Texnik ko‘rik” avtomatlashtirilgan axborot tizimini ishlab chiqish topshirildi.
Yuridik shaxs bo‘lgan tadbirkorlik sub’yektlariga 2023 yil 1 sentabrdan boshlab jismoniy shaxslarning 100 ot kuchigacha quvvatga ega bo‘lgan qishloq xo‘jaligi, melioratsiya va yo‘l-qurilish texnikalarini texnik ko‘rikdan o‘tkazish faoliyati bilan shug‘ullanish huquqi beriladi.
Hujjat bilan quyidagilar tasdiqlandi:
- Qishloq xo‘jaligi, melioratsiya va yo‘l-qurilish texnikalarini davlat ro‘yxatidan va qayta ro‘yxatdan o‘tkazish bo‘yicha davlat xizmatlarini ko‘rsatishning ma’muriy reglamenti;
- Qishloq xo‘jaligi, melioratsiya va yo‘l-qurilish texnikalarini vaqtincha ro‘yxatdan o‘tkazish bo‘yicha davlat xizmatlarini ko‘rsatishning ma’muriy reglamenti;
- Qishloq xo‘jaligi, melioratsiya va yo‘l-qurilish texnikalarini hisobdan chiqarish bo‘yicha davlat xizmatlarini ko‘rsatishning ma’muriy reglamenti;
- Qishloq xo‘jaligi, melioratsiya va yo‘l-qurilish texnikalari ro‘yxatda turganligi to‘g‘risida ma’lumotnoma berish bo‘yicha davlat xizmatlarini ko‘rsatishning ma’muriy reglamenti;
- Qishloq xo‘jaligi, melioratsiya va yo‘l-qurilish texnikalarini majburiy yillik texnik ko‘rikdan o‘tkazish bo‘yicha xizmatlar ko‘rsatishning ma’muriy reglamenti;
- Traktorchi-mashinistlarni tayyorlash va qayta tayyorlash yo‘nalishidagi ta’lim tashkilotlarini hisobga olish hamda traktorchi-mashinist guvohnomasini berish bo‘yicha davlat xizmatlarini ko‘rsatishning ma’muriy reglamenti.
