Kecha-yu kunduz faoliyat koʻrsatuvchi mazkur turizm koʻchasida ozodalikni taʼminlash uchun zamonaviy texnikalardan foydalanish yoʻlga qoʻyildi. Tozalash ishlari koʻchaning transport qatnaydigan qismi bilan birga velosipedchilar va piyodalar uchun ajratilgan hududlarni ham qamrab oladi.
Maxsus texnikalar bir nechta vazifani bajarish imkoniyatiga ega. Jumladan, ular yoʻl va yoʻlaklardagi chiqindilarni tozalaydi, yuzalarni yuvadi hamda suv purkaydi. Bu imkoniyatlar koʻchaning turli qismlarida tozalikni saqlash ishlarida qoʻllanadi.
Xabarda qayd etilishicha, texnikalar faoliyati orqali koʻchaning sanitariya holatini yaxshilash maqsad qilingan. Shuningdek, avtomobil yoʻllari va piyodalar harakatlanadigan hududlarni toza hamda ozoda saqlash koʻzda tutilmoqda.
Oʻzbekiston ovozi koʻchasi 24 soatlik faoliyat rejimidagi turizm koʻchasi hisoblanadi. Maxsus texnikalarning ishga jalb qilinishi ushbu hududda aholi va mehmonlar uchun ozoda muhitni taʼminlashga qaratilgan.
