O‘zbekiston va Ispaniya o‘rtasida 3 ta davlatlararo shartnoma imzolanadi

Mamlakat elchixonasi ko‘magida O‘zbekiston Bosh prokuraturasi vakillaridan iborat delegatsiyaning Ispaniya Adliya vazirligi mutasaddi vakillari bilan muzokaralari tashkil etildi, deb xabar bermoqda «Dunyo».

Uchrashuvda ikki mamlakat o‘rtasida jinoyat huquqi sohasida me’yoriy-huquqiy bazani kengaytirish masalalari muhokama qilindi.

Xususan, tomonlar O‘zbekiston va Ispaniya o‘rtasida «Jinoiy ishlar bo‘yicha o‘zaro huquqiy yordam», «Ushlab berish» va «Mahkumlarni topshirish» to‘g‘risidagi davlatlararo shartnomalar loyihalarini kelishish bo‘yicha fikr almashdilar.

Muzokaralar 11 mayga qadar davom etadi.