Silvio Berluskoni 1936 yil 29 sentabrda Milanda tuğilgan. 1943 yilda uning oilasi vaqtinça Şveytsariyaga ketadi, çunki uning otasi, antifaşist Luidji Berluskoni Italiyada qolişi xavfli edi. 1961 yilda Berluskoni Milan universiteti huquqşunoslik fakultetini a’lo baholar bilan bitiradi. Köp ötmay u quriliş kompaniyasiga asos soladi, 1978 yilda esa — Telemilano kabel telekanaliga. 1984 yilga kelib u uçta umummilliy telekanallarga egalik qilardi, ular keyinçalik Mediaset holdingiga birlaşadi. Ikki yil ötib Berluskoni «Milan» futbol klubini sotib oladi va klub uning rahbarligi davrida 4 bor Italiya çempioni böladi, 5 marta Çempionlar ligasida ğolib çiqadi.
1994 yilda Berluskoni «Olğa, Italiya» partiyasiga asos solgan va parlament saylovlarida ğolib çiqib, boş vazirga aylangan, ammo bir yil içida lavozimini tark etgan. Keyinroq u yana uç marta Italiya hukumati tepasiga keladi — 2001, 2005 va 2008 yillarda.
2011 yilda u sönggi bor iste’foga çiqadi. Uning siyosiy faoliyati turli mojarolar va korrupsiyada ayblovlar bilan birga keçadi. Xususan, 2013 yilda Milan sudi Berluskonini voyaga yetmagan qizlarni fohişalikka yollaş va öz mansab vakolatini suiiste’mol qilişda aybdor deb topib, yetti yillik qamoq jazosiga hukm qilgandi. Ammo apellyatsiya sudi uni töla oqlaydi.
2022 yil sentabrida Berluskoni senat uçun saylovlarda ğalaba qozongandi.
Marka / Universal Images Group / Getty Images
Umberto Cicconi / Getty Images
