Holand Norvegiyani yetaklay olmayapti, Krishtianu fanatning «qo‘liga tushdi». Yevropada kun o‘yinlari

Gurjiston Ispaniyadan o‘zib ketdi

A guruhi

Norvegiya – Shotlandiya 1:2
Gollar: 1:0 – 61, penalti Holand, 1:1 – 87 Dayks, 1:2 – 89 Maklin.
Norvegiya – Nyuland, Ryuerson, Strannberg, Estigor, Meling, Eursnes (Torstvedt, 84), Berg (Larsen, 84), Edegor, Solbakken (Berge, 63), Serlot (Elyunussi, 79), Holand (Deli, 84).
Shotlandiya – Gann, Xiki, Tirni (Kuper, 65), Hendri, Porteus (Maklin, 79), Roberson, Makgregor (Gilmor, 78), Maktominey, Makginn (Xayyem, 90), Kristi (Armstrong, 79), Dayks.
Ogohlantirishlar: Makginn (37), Hendri (40), Tirni (53), Porteus (60).

Holand Chempionlar ligasidagi g‘alabani qizg‘in nishnlagan jamoadoshlaridan farqli o‘laroq — qat’iy rejimga amal qiladi va sog‘lom turmush tarzi tarafdori. Shunday ekan, u boshlang‘ich tarkibda maydonga chiqdi. APLning eng yaxshi to‘purari birinchi bo‘limda maydon markazida raqib himoyachilaridan qochib ketib, darvozabon bilan yakkama-yakka vaziyatga chiqib borishi mumkin edi, ammo Hendri uni sariq kartochka evaziga to‘xtatib qoldi.

Skandinavlarda 45 daqiqalikdagi yagona imkoniyat Serlotning bosh bilan darvozabon turgan joyga zarba yo‘llashi bo‘ldi. Norvegiyaning bir soatlik harakatlari samara keltirdi — Holandni jarima maydoni ichida ushlab qolishdi va uning o‘zi belgilangan penaltini aniq ijro etdi. Lekin bu gol mezbonlarni ruhlantirdi deyish qiyin. Ular yo‘q joydan gol urishdi va yo‘q joydan gol o‘tkazishdi. Bu vaqtda zaxiraga olib bo‘lingan Holand zaxira o‘rindig‘ida shok holatida Estigor Dayksga gol sovg‘a qilishini tomosha qilishga majbur bo‘ldi.

Norveglar o‘ziga kelib ulgurmasidan Dayks jarima maydoni ichidagi sarosimalikdan foydalanib, Maklinni zarba berish nuqtasiga chiqardi.

Ispanlar Millatlar ligasi finaliga tayyorgarlik ko‘rayotganida Shotlandiya uch turda uch g‘alaba evaziga guruhda yakkapeshqadam bo‘lib olishdi. Norveglar esa uch o‘yinda atigi bir ochko olishdi va bu haqiqiy falokat. Skandinavlar Holand va Edegor, shuningdek «Napoli», «Roma», «Benfika», Dortmundning «Borussiya» va «Real Sosedad» klublarida o‘ynovchi nomdor futbolchilari bilan ham o‘z salohiyatini yuzaga chiqara olmayapti.

Kipr – Gurjiston 1:2
Gollar: 0:1 – 31 Mikautadze, 1:1 – 39, penalti Pittas, 1:2 – 84 Davitashvili.

Bu guruhda kunning ikkinchi o‘yini alohida qarama-qarshilik taqdim etdi — Gurjiston milliy jamoasining sobiq futbolchisi va sobiq murabbiyi Temuri Ketsbaya o‘z vatani jamoasiga qarshi. Bunday holatlarda hissiyotlar o‘yinga ma’lum darajada ta’sir qilib, bundan qo‘pol xatolar kelib chiqishi haqida gapirish odat tusiga kirgan. Amalda ham mehmonlarning birinchi goli urilishida Gogich maydon markazi orqali pas berishga urinib, Mikautadzega gol sovg‘a qildi. Shu bilan birga, mehmonlar jarima maydonida vaziyat keskin bo‘lmagan holatda qo‘pollik ishlatilib, hisob tenglashdi.

Ikkinchi bo‘lim boshida Kvaratsxeliyaning zarbasi darvoza ustuni yonginasidan o‘tib ketganida, Gurjiston bu o‘yinda alohida qiyinchiliksiz maqsadiga erishadigandek ko‘ringandi. Ammo buning o‘rniga mehmonlar darvozasi tomonda xavfli vaziyatlar yuzaga kela boshladi. Ularni ikki bor darvoza to‘sini goldan saqlab qoldi. Yana bir safar — darvozabon. Va bu Villi Sanyol jamoasini uyg‘otdi. Ular tashabbusni o‘z qo‘liga oldi va mezbonlarni taslim etishdi, Davitashvili uzoq burchakni aniq nishonga oldi.

E’tiborli jihati, g‘alaba goli muallifi ham, unga assistentlik qilgan Lobjanidze ham o‘yinga zaxiradan qo‘shilgandi. Gurjiston bu turda tanaffus qilgan Ispaniyani ortda qoldirgan holda ikkinchi o‘ringa ko‘tarildi, gurjilar sentabrda ispanlarni qabul qiladi. Undan oldinroq esa, shu haftada Xvicha va uning jamoadoshlari Shotlandiya sinovidan o‘tadi.

20 iyun. Norvegiya — Kipr, Shotlandiya — Gurjiston.

To‘xtatib bo‘lmas Lukaku

F guruhi

Belgiya – Avstriya 1:1
Gollar: 0:1 – 21, avtogol Mangalya, 1:1 – 61 Lukaku.
Belgiya – Kurtua, Fas, Teate, Dendonker (Al-Dahil, 84), Kastan, Tilemans, Mangalya (Vranks, 76), Karrasko (Openda, 76), Lukebakio (Bakayoko, 69), Lukaku, Doku (Ndayishimiye, 84).
Avstriya – Shlager, Posh, Alaba, Linxart, Veber (Mvene, 46), Baumgartner, Vimmer (Kayns, 60), Shlager (Lyubichich, 87), Zayvald, Arnautovich (Zabitser, 60), Gregorich (Onisivo, 87).
Ogohlantirishlar: Veber (32), Posh (53), Shlager (69), Shlager (90), Lukaku (90).

Domeniko Tedesko va Ralf Rangnik o‘rtasidagi qarama-qarshilikda maydonda vaqti-vaqti bilan tushunarsiz holatlar sodir bo‘lib turdi. Masalan, Belgiyaning yangi yulduziga aylangan Lukebakio hayratlanarli darajada osonlik bilan himoyachilar safidan o‘tdi, ammo oson vaziyatda turib asosiy ishni qila olmadi — to‘pni darvoza sohasiga to‘g‘ri tepmadi. O‘z navbatida «qizil iblislar» ahmoqona gol o‘tkazib yuborishdi. Kurtua Gregorichning zarbasini mashg‘ulotlar vaqtidagi kabi osonlik bilan egallab olishga tayyorlanayotgandi, ammo uning yonida turgan Mangalya negadir to‘pga oyog‘ini qo‘ydi va zarba trayektoriyasini keskin o‘zgartirdi.

Yangi murabbiylar shtabi kelganidan keyin yana oldingidek o‘ynay boshlagan Lukaku ikkinchi bo‘limda jamoani qutqardi. Shvetsiyaga qarshi het-trik, Germaniya bilan o‘rtoqlik uchrashuvidagi gol, endi — yana bir muvaffaqiyat. Lukaku qatorasiga ikki bor uzoq masofadan zarba yo‘lladi va ikkinchisi pastki burchakka aniq borib tushdi. Romelu Azarning oqshomi buzilishini istamadi, ushbu faxriy futbolchi tanaffus vaqtida muxlislar bilan xayrlashish uchun tribunalar oldidan o‘tdi.

Ammo belgiyaliklar Tedesko boshqaruvida ilk bor ochko yo‘qotishdi, arbitr tomonidan qo‘shib berilgan daqiqalar davomida mehmonlarni darvoza to‘sini goldan saqlab qoldi. Safardagi durang Avstriyani to‘la qanoatlantiradi, jamoa guruh peshqadamligini saqlab qoldi. Shunday ekan, Alaba milliy jamoa safidagi 100-o‘yinida ajoyib sovg‘a oldi deyish mumkin.

Ozarboyjon – Estoniya 1:1
Gollar: 0:1 – 27 Sappinen, 1:1 – 62 Krivotsyuk.

20 iyun. Avstriya — Shvetsiya, Estoniya — Belgiya.

Brunu Fernandeshga atalgan kecha

J guruhi

Portugaliya – Bosniya va Gersegovina 3:0
Gollar: 1:0 – 44 Bernardu Silva, 2:0 – 77 Brunu Fernandesh, 3:0 – 90 Brunu Fernandesh.
Portugaliya – Diogu Koshta, Joau Kanselu, Ruben Diash, Antoniu Silva, Danilu Pereyra, Gerreyru (Semedu, 78), Brunu Fernandesh, Bernardu Silva (Otavio, 87), Palinya (Diogu Jota, 87), Joau Feliks (Ruben Nevesh, 62), Ronaldu.
Bosniya va Gersegovina – Shehich, Dedich, Sanichanin, Ahmedhojich, Barishich (Xamulich, 71), Kolashinats (Gazibegovich, 79), Pyanich (Prsich, 79), Tsimirot, Hojiahmetovich (Tahirovich, 72), Stevanovich, Djyeko (Vareshanovich, 79).
Ogohlantirishlar: Pyanich (41), Danilu Pereyra (51), Taxirovich (84)

Krishtianu Ronaldu Saudiya Arabistonida kutilganidek chiqmagan mavsumidan keyin milliy jamoa safida o‘zini ko‘rsatishni juda istadi, ammo uning goli ofsayd tufayli bekor qilindi. Lekin sardor golli kombinatsiyada ishtirok etdi, hujum yakunida Brunu Fernandesh bosniyaliklar mudofaasini bitta kesib o‘tuvchi pas bilan dog‘da qoldirdi, Bernardu Silva esa nozik harakat bilan to‘pni darvozabon ustidan oshirib tashlab, Yevro-2024 saralashida qatorasiga uchinchi o‘yinda gol urdi.

Who gets your vote? ⚽️ 🥇#UNLGOTR | @AlipayPlus

— UEFA EURO 2024 (@EURO2024) June 17, 2023

Djyeko undan saboq olsa arziydi, u hisob 0:0 bo‘lib turgan mahalda ideal pozitsiyada turib to‘pni yuqoriga qarata tepgandi.

Butun Portugaliya hujumda juda samarali harakat qildi. Shunchalikki, Ruben Neveshning uzatmasidan keyin Fernandesh «ikkinchi qavat»dan o‘ziga xos bo‘lmagan gol urdi. Faqat Diogu Jota umumiy darajadan pastroq harakat qildi, u Ronalduning uzatmasini yo‘qqa chiqardi va bir necha metr masofadan turib to‘pni darvozaga kirita olmadi. Krishtianuning o‘zi esa maydonga chiqib tushgan fanat quchog‘iga tushdi, uning jussasi kumirinikidan ancha kichik bo‘lsa-da, uni quchib ko‘tara oldi.

Bu vaziyat translatsiyaga tushmadi, ammo stadion muxlisni olqishladi, sardor esa unga tabassum hadya etdi. Portugaliya Roberto Martines boshqaruvida Yevro saralashida uch o‘yinda uch g‘alabaga erishdi (to‘plar nisbati 13:0) va bu turda Islandiyani mag‘lub etib, ikkinchi o‘ringa ko‘tarilgan Slovakiyani ikki ochkoga ortda qoldirmoqda.

Lyuksemburg – Lixtenshteyn 2:0
Gollar: 1:0 – 59 Sinani, 2:0 – 89 Rodrigesh.

Islandiya – Slovakiya 1:2
Gollar: 0:1 – 27 Kutska, 1:1 – 41, penalti Finnbogason, 1:2 – 69 Suslov.

20 iyun. Bosniya — Lyuksemburg, Islandiya — Portugaliya, Lixtenshteyn — Slovakiya.

Ye guruhi

Farer orollari — Chexiya 0:3
Gollar: 0:1 – 15 Kreychi, 0:2 – 44 Cherni, 0:3 – 75 Cherni.

Albaniya – Moldova 2:0
Gollar: 1:0 – 51 Asani, 2:0 – 76 Bayrami.

20 iyun. Farer orollari — Albaniya, Moldava — Polsha.

G guruhi

Chernogoriya – Vengriya 0:0

Litva – Bolgariya 1:1
Gollar: 1:0 – 15 Girdvaynis, 1:1 – 27 Petkov.

20 iyun. Bolgariya — Serbiya, Vengriya — Litva.

Juma kuni o‘tkazilgan o‘yinlar

B guruhi

Gibraltar — Fransiya 0:3
Gollar: Jiru (3), Mbappe (45+3, penalti), Mulhi (78, avtogol). 

Gretsiya — Irlandiya 2:1
Gollar: Bakasetas (15), Masuras (49) — Kollinz (27). 

S guruhi

Malta — Angliya 0:4
Gollar: Arar (8, avtogol), Aleksander-Arnold (28), Keyn (31, penalti), Uilson (83, penalti). 

Shimoliy Makedoniya — Ukraina 2:3
Gollar: Bardi (31, penalti), Elmaz (39) — Zabarniy (62), Konoplya (67), Tsigankov (83).

D guruhi

Latviya — Turkiya 2:3
Gollar: Emsis (51), Tobers (90+4) — Bardakchi (22), Under (61), Qahvachi (90+5). 

Uels — Armaniston 2:4
Gollar: Jyeyms (10), Uilson (72) — Zelarayan (19, 75), Ranos (30, 66).

N guruhi

Daniya — Shimoliy Irlandiya 1:0
Gol: Vind (47). 

Finlandiya — Sloveniya 2:0
Gollar: Poxyanpalo (13), Antman (64).

San-Marino — Qozog‘iston 0:3
Gollar: Vorogovskiy (37), Tagibergen (64, penalti), Zaynutdinov (90+5).

I guruhi

Andorra — Shveytsariya 1:2
Gollar: Viyeyra (67) — Froyler (7), Amduni (32).

Kosovo — Ruminiya 0:0

Belarus — Isroil 1:2
Gollar: Ebong (16) — Vaysman (85, penalti), Gluh (90+2).