Sog‘lig‘i yomonlashgan fuqaro Katta Chimyon tog‘ining dengiz sathidan 1800 metr balandligidan maxsus qutqaruv anjomlari yordamida pastga olib tushilgan.
Chimyon tog‘iga chiqib, to‘satdan sog‘lig‘i yomonlashgan fuqaroga FVV xodimlari tomonidan yordam berildi.
17 iyun kuni soat 11:30 da Toshkent viloyati Favqulodda vaziyatlar boshqarmasiga Bo‘stonliq tumanidagi Katta Chimyon tog‘iga sayr qilish maqsadida borgan 3 nafar fuqarodan birining kutilmaganda sog‘lig‘i yomonlashgani va ularga zudlik bilan yordam zarurligi haqida xabar kelib tushgan.
Xabarga asosan, Chimyon yong‘in-qutqaruv otryadining bir guruh qutqaruvchilari aytilgan manzilga yetib borib, qidiruv-qutqaruv ishlarini olib borgan.
Qutqaruvchilarning sa’y-harakatlari natijasida sog‘lig‘i yomonlashgan fuqaro Katta Chimyon tog‘ining dengiz sathidan 1800 metr balandligidan maxsus qutqaruv anjomlari yordamida pastga sog‘-salomat olib tushilgan va tez tibbiy yordam xodimlariga topshirilgan.