Favqulodda vaziyatlar vazirligi xabariga koʻra, 4-oktabr kuni soat 19:37 da «112» tizimi orqali Ohangaron tumanining Chinor mahallasi hududidagi togʻlarda besh kishi adashib qolgani haqida xabar kelib tushgan.
Murojaat asosida «Qamchiq» maxsus qutqaruv boshqarmasining «Beshqoʻl» navbatchilik qismi qutqaruvchilari qidiruv-qutqaruv ishlarini olib borgan.
Qidiruv natijasida fuqarolar 5-oktabrga oʻtar kechasi soat 00:31 da topilgan. Ularning barchasi togʻdan xavfsiz hududga olib tushilib, yashash manzillariga yuborilgan.
FVV fuqarolarni togʻli hududlarga chiqishda xavfsizlik qoidalariga qatʼiy rioya qilishga chaqirdi. Shuningdek, ob-havo sharoitini inobatga olish va safar yoʻnalishini oldindan belgilab olish zarurligini eslatdi.
