Toshkentda ikki tumandagi elektr uzatish tarmog‘ida nosozlik yuzaga keldi

Hozirgi vaqtda nosozlikni bartaraf etib, tarmoqni ishga tushirish choralari ko‘rilmoqda.

Bugun, 3 iyul kuni soat 14:25 da Toshkent shahridagi elektr uzatish tarmog‘ida nosozlik yuzaga keldi. Bu haqda Energetika vazirligi xabar bermoqda.

Qayd etilishicha, nosozlik oqibatida Toshkent shahrining Yunusobod va Olmazor tumanlari, shuningdek, Toshkent viloyatining Toshkent tumani iste’molchilarining bir qismida elektr ta’minotida uzilish kuzatilmoqda.

Hozirgi vaqtda nosozlikni bartaraf etib, tarmoqni ishga tushirish choralari ko‘rilmoqda, deyiladi ma’lumotda.