Senat raisi Eron vitse-prezidenti bilan uchrashdi

Uchrashuvda ikki tomonlama hamkorlikni rivojlantirish, mamlakatlarimiz o‘rtasida parlamentlararo munosabatlarni yanada mustahkamlash, xalqaro tuzilmalar doirasida sherikchilikni kengaytirishning dolzarb masalalari muhokama qilindi.

Suhbatda do‘st xalqlarimizni chuqur tarixiy rishtalar, o‘xshash mentalitet, an’analar va ma’naviy qadriyatlar bog‘lab turgani alohida ta’kidlandi. So‘nggi yillarda O‘zbekiston-Eron hamkorlik aloqalari jadal rivojlanib borayotgani, parlamentlararo munosabatlar yangi bosqichga chiqqani, shu nuqtayi nazardan ikki mamlakat parlamentlari oliy darajada erishilgan kelishuvlarning amaliy ijrosini ta’minlash maqsadida parlament nazoratini amalga oshirish muhimligi qayd etildi.

Uchrashuv yakunida istiqboldagi rejalar va loyihalarni hayotga tatbiq etishda hamkorlik aloqalarini yanada mustahkamlashga kelishib olindi.