Rossiyada OIV bilan kasallangan bemorlar dori yetishmovchiligidan shikoyat qilyapti

Rossiyaning 18 mintaqasida bemorlar OIVga qarshi kurashish uchun antiretrovirus (ARV) dorilarining yetishmasligiga duch kelmoqda. Bu haqda 17 iyul, dushanba kuni «Patsiyenskiy kontrol» jamoat harakatining Rossiya Davlat dumasi, hukumati va Sog‘liqni saqlash vazirligiga yo‘llagan xatiga tayanib, «Vedomosti» nashri xabar berdi.

Tashkilot ma’lumotlariga ko‘ra, bemorlar 11ta ARV dori vositalari, jumladan, Rossiyada ishlab chiqarilgan arzon dori vositalarini yetkazib berishda uzilishlar haqida xabar berdi. Shu sababli, shifokorlar davolash rejimlarini o‘zgartirishga, og‘ir nojo‘ya ta’sirlar tufayli ilgari tashlab qo‘yilgan dori-darmonlarni qayta yozishga majbur bo‘lmoqda, deydi «Patsiyenskiy kontrol». Ko‘pincha, bu yil ARV dori-darmonlarining tanqisligi Sankt-Peterburg, Leningrad, Sverdlovsk, Tyumen viloyatlarida, shuningdek, Donetsk viloyatida qayd etilgan. 

2022 yildan 2025 yilgacha federal budjetda OIV, shuningdek, sil va gepatit B va Cni davolash uchun ARV dori-darmonlarini sotib olish har yili bir xil miqdorni - 31,7 milliard rublni o‘z ichiga oladi, deya xabar berdi «Vedomosti»ga Rossiya Moliya vazirligi. Idoraning ta’kidlashicha, Rossiya hududlaridan 2024-2026 yillarga mo‘ljallangan bunday dori-darmonlarni sotib olish uchun budjet bo‘yicha arizalar kelib tushmagan.