Rossiyada chaqiruv yoshining quyi chegarasi oshirilmaydi

Rossiyada chaqiruv yoshi bundan buyon 18 yoshdan 30 yoshgacha bo‘ladi. Rossiya Davlat dumasi harbiy yoshning pastki chegarasini 18 yoshdan 21 yoshgacha ko‘tarmaslik to‘g‘risida qaror qabul qildi, shu bilan birga, yuqori chegara 27 yoshdan 30 yoshgacha ko‘tariladi, dedi 21 iyul, juma kuni Davlat dumasi Mudofaa qo‘mitasi rahbari Andrey Kartapolov.

«Asosiy o‘zgartirish shuki, yuqori chegara - bu 30 yosh. Ilgari chaqiruv yoshining quyi chegarasini 18 yoshdan 21 yoshgacha, yuqori chegarasini esa 27 yoshdan 30 yoshgacha oshirish rejalashtirilgan edi. Ammo ko‘pchilik yigitlar aynan 18 yoshdan xizmatga borishni xohlayapti», deya Kartapolovning so‘zlarini keltirgan «Kommersant» gazetasi. 

Yangi normalar 2024 yilning bahorgi chaqiriqdan kuchga kiradi, ular 2023 yilning kuzgi chaqiruviga ta’sir qilmaydi. 

Rossiya mudofaa vaziri Sergey Shoygu qurolli kuchlarni isloh qilish doirasida 2022 yil oxirida harbiy xizmatga chaqirilish yoshini 18-27 yoshdan 21-30 yoshga o‘zgartirishni taklif qildi. Chaqiruv yoshi chegaralari bosqichma-bosqich o‘zgartirilishi taxmin qilingan edi. 

Chaqiruv yoshini 30 yoshga ko‘tarish to‘g‘risidagi qonun loyihasi iyun oyining o‘rtalarida Davlat dumasi tomonidan birinchi o‘qishda ma’qullangan. Hujjat loyihasida harbiy xizmatga chaqirilishning quyi yosh chegarasini bosqichma-bosqich oshirish ko‘zda tutilgan: 2024 yilda 19 yoshdan 30 yoshgacha, 2025 yilda – 20 yoshdan 30 yoshgacha, 2026 yilda – 21 yoshdan 30 yoshgacha. Shu bilan birga, harbiy xizmatni o‘tash istagida bo‘lgan fuqarolar har qanday holatda ham 18 yoshdan boshlab harbiy xizmatga kirishi mumkinligi ta’kidlanadi.