O‘zbekiston tashqi ishlar vaziri Londonda yetakchi moliya-sanoat guruhi rahbari bilan uchrashdi

«Hinduja group raisi Gopichand Hinduja janoblari bilan samarali uchrashuv o‘tkazdik», deb yozdi O‘zbekiston TIV rahbari o‘zining Telegram-kanalida. 

O‘zbekistonda ham mahalliy, ham xorijiy tadbirkorlar uchun muvaffaqiyatli biznes yuritish uchun yaratilgan ko‘plab imkoniyatlar muhokama qilingan.

«Hinduja group’ni O‘zbekistonga tashrif buyurish va bozorni yaqindan o‘rganishga taklif etdik», deydi Baxtiyor Saidov.

«Hinduja group 1914 yilda tashkil etilgan avtomobilsozlik, neftni qayta ishlash, telekommunikatsiya, moliya va sog‘liqni saqlash sohalarida manfaatlarga ega kompaniyalar konglomerati hisoblanadi. Kompaniya bosh qarorgohi Londonda joylashgan. Hindistonning eng yirik moliyaviy-sanoat guruhlari qatoriga kiradi.