Bu haqda loyiha asoschisi Mubashshir Ahmad ma’lum qildi.
Foto: KUN.UZ
Bugun, 5 avgust kuni erta tongda Azon.uz sayti va uning ijtimoiy tarmoqlardagi sahifalari o‘chirilgani ma’lum bo‘ldi.
Azon.uz ta’sischisi Mubashshir Ahmad o‘zining Facebook sahifasida loyihalar to‘xtalishining sabablari keyinroq ma’lum qilinishini bildirdi.
“Azon.uz barcha loyihalarini to‘xtatdi. Sabablari keyinroq, ma’qul topilsa ma’lum qilinadi”, deya xabar qoldirgan Mubashshir Ahmad.
Ma’lumot uchun, Azon.uz sayti diniy, ma’naviy hamda ma’rifiy yo‘nalishlarda faoliyat yuritib kelgan ommaviy axborot vositasi hisoblanadi.
