Gvatemalada yangi prezident saylandi

Gvatemala prezidentligiga nomzod, Semilla harakati vakili Bernardo Arevalo prezidentlik saylovida g‘alaba qozondi.

Oliy saylov tribunaliga ko‘ra, saylov byulletenlarining qariyb 95 foizi hisoblab chiqilganidan keyin, Arevalo 59 foiz ovoz to‘plagan. Uning raqibi, sobiq birinchi xonimi Sandra Torres 36 foiz ovoz to‘pladi.

Arevalo Gvatemala poytaxtida ovoz berganidan so‘ng, «Biz hammamiz mamlakat kelajagini belgilash uchun o‘z fikrimizni bildirishga haqli va sharaflimiz», dedi.

Lavozimini tark etayotgan va saylovda ishtirok etmagan amaldagi prezident Alexandro Jamattei natijalar e’lon qilinganidan ko‘p o‘tmay, Arevaloni tabrikladi va natijalar rasman e’lon qilingach, hokimiyatni topshirishni boshlashni taklif qildi.

Bernardo Arevalo - Gvatemalaning birinchi demokratik yo‘l bilan saylangan rahbari Xuan Xose Arevaloning o‘g‘li. U korrupsiyaga qarshi platforma orqali sayovda qatnashdi.