OChL. OKMK ham safarda Qatar jamoasini mag‘lub etib, guruh bosqichiga yo‘l oldi

Osiyo Chempionlar Ligasi saralashining so‘nggi bosqichida Olmaliqning OKMK klubi Qatarda «Al Arabi» bilan bahs yuritib, Ruben Sanchesning ajoyib goli evaziga g‘alaba qozondi va guruh bosqichiga yo‘l oldi. 

Avvalroq Namanganning «Navbahor»i Qatarning boshqa bir klubi «Al Vaqra»ni yengib, saralashdan muvaffaqiyatli o‘tgandi. O‘zbekiston chempioni «Paxtakor» va mamlakat kubogi sohibi «Nasaf» esa guruh bosqichiga to‘g‘ridan to‘g‘ri yo‘llanma olgan. 

Shu tariqa 2016 yildan so‘ng ilk bor O‘zbekistonning 4 klubi OChL guruh bosqichida ishtirok etadi.

OChL. Saralash bosqichi (final) 
Al Arabi (Qatar) — OKMK (O‘zbekiston) 0:1
22 avgust, «At Tumama»
Hakamlar: Ko Xyung Jin, Yon Jaye Yol, Park Sang Jung, Park Sang Jun (Janubiy Koreya) 
Gol: Ruben Sanches (70).
OKMK — Botirali Ergashev, Islom To‘xtaxo‘jayev, Sardor Rahmonov, Anzur Ismoilov, Shohrux Gadoyev, Abdulla Abdullayev, Mirjamol Qosimov (Oybek Rustamov, 85), Siyovash Haqnazariy (Mirjahon Mirahmadov, 85), Sanjar Tursunov (Vitaliy Denisov, 90+5), Ruben Sanches, Xurshid G‘iyosov.
Al Arabi — Jasim Odil Al Hiloli, Vasim Leddari Bulif, Hamid Ismoil (Ali Suhayl, 90+1), Muhammed Ac Said, Simo Keddari, Jasim Gaber Abdusalom (Abdulla Al Murisi,77) Abdu Diallo,  Abdulla Marifi (Ahmad Duzandeh, 87), Ahmad Fathi, Umar Ac Soma, Rafinya Alkantara, Yusuf Msakni. 
Ogohlantirishlar: Shohrux Gadoyev (5), Muhammad As Said (39), Abdulla Abdullayev (42).