2023 yilning yanvar-avgust oylarida 4,3 mln nafar chet el fuqarolari turistik maqsadlarda O‘zbekistonga tashrif buyurgan.
Statistika agentligi ma’lumotlariga ko‘ra, 2023 yilning yanvar-avgust oylarida O‘zbekistonga kelgan chet el fuqarolarining safar maqsadlari orasida qarindoshlarni yo‘qlash birinchi o‘rinda turibdi – 3,7 mln kishi.
Ushbu ko‘rsatkich qolgan safar maqsadlari kesimida quyidagicha ko‘rinish oldi:
- dam olish – 467 ming kishi;
- xizmat yuzasidan – 87 ming kishi;
- davolanish – 41 ming kishi;
- tijorat – 37 ming kishi;
- o‘qish maqsadida – 7,1 ming kishi.
