Qashqadaryoda qishloqqa kirib qolgan ayiqlar ushlandi va qo‘riqxonaga qo‘yib yuborildi

Qashqadaryo viloyati, Shahrisabz tumani, Soybo‘yi qishlog‘iga tog‘li hududdan Tyan-Shan qo‘ng‘ir ayig‘i bolalari kirdi.

Vaziyat yuzasidan Ekologiya vazirligi Qashqadaryo viloyati boshqarmasi, Shahrisabz tuman IIB, Milliy gvardiya, Toshkent hayvonot bog‘i hamda Hisor qo‘riqxonasi xodimlaridan iborat tezkor ishchi guruh tuzildi.

Ishchi guruh tomonidan ko‘rilgan operativ chora-tadbirlar natijasida ayiqlar maxsus o‘q-dorilar yordamida uxlatildi.

Shundan so‘ng, ayiq bolalari «Hisor» davlat qo‘riqxonasi hududiga qo‘yib yuborildi.

Tyan-Shan qo‘ng‘ir ayig‘i O‘zbekiston «Qizil Kitobi»ga kiritilgan va davlat muhofazasiga olingan.