Osiyo öyinlari kundaligi. Yana ikki oltin va yangilangan rekord
|01:29 / 08.10.202358 0478 min
Bir kunda yana 7 medal qölga kiritildi. Özbekiston delegatsiyasi oltin medallar va jami medallar soni böyiça Osiyo öyinlari tarixidagi eng yaxşi natijasini qayd etdi.
7 oktyabr kuni ham Özbekiston delegatsiyasi Osiyo öyinlarida 9 ta sport turi böyiça bahslarda öz imkoniyatlarini sinovdan ötkazişdi. Özbekiston jamoasi kunni ikki oltin, beşta bronza medal bilan yakunladi.
Erkin kuraş
Erkin kuraşçilar uçun turnir muvaffaqiyatsiz yakunlandi - jamoa yakunda atigi ikki bronza bilan kifoyalandi.
Bugungi bahslarda iştirok etgan tört nafar sportçidan birortasi finalga çiqa olmadi.
Ikki karra Osiyo çempioni, Rio Olimpiadasi va Jakartadagi Osiyo öyinlari sovrindori, 38 yoşli kuraşçi Magomed Ibragimov (-97 kg) ilk bosqiçdayoq eronlik Mujtaba Gulejga yutqazdi (7:13), bu raqibi finalga çiqqani evaziga bronza uçun ötiş bahslarida qatnaşiş imkoniga ega böldi, ammo ötiş bahslarining birinçisida möğulistonlik Gunkhuyan Ganbatarga mağlub böldi (4:14).
-125 kg vazn toifasi vakili Hasanboy Rahimov iştirokini yaxşi boşlagandi, u dastlabki bosqiçda Janubiy Koreya vakili Yehun Jung tösiğidan ötdi (9:0), çorakfinalda yaponiyalik Taiki Yamamotoni ham taslim etdi (5:0). Ammo yarimfinalda möğulistonlik Munkturga yutqazdi (0:2), bronza uçun keçgan bahsni ham qirğizistonlik Ayal Lazarevga boy berdi (6:7).
Öz vazn toifasi favoriti bölgan Bekzod Abdurahmonov (-74 kg) iştirokini Bahrayn nomidan qatnaşgan Magomedrasul Asluyev ustidan ğalaba qozoniş bilan boşladi (2:0), keyin qozoğistonlik Darxan Yessengalidan ustun keldi (3:1), ammo yarimfinalda yaponiyalik Kirin Kinoşitaga yutqazib qöydi (0:6). Bronza uçun bahsda turkmanistonlik Perman Hommadovni mağlub etdi (4:0).
Şu tariqa, Tokio olimpiadasi sovrindori, Osiyo çempionati va Osiyo öyinlarining ikki karra ğolibi bu safar oltinga ega çiqa olmadi.
-86 kg vazn toifasida Özbekiston şarafini himoya qilgan Javrail Şapiyev dastlabki bosqiçda pokistonlik Haydar Ali Buttga imkoniyat qoldirmadi (11:0), keyin qozoğistonlik Azamat Davletbekovdan ustun keldi (4:3). Ammo yarimfinalda Puniya Dipakka yutqazdi (3:4) va Bahrayn nomidan qatnaşgan Magomed Şaripovni yengib (3:0), bronza medali bilan kifoyalanişga majbur böldi.
Mavzuga oid
Karate
Karate WKF yönalişi böyiça Özbekiston milliy jamoasi a’zosi Sevinç Rahimova delegatsiya uçun navbatdagi oltin medalini taqdim etdi.
-55 kg vazn toifasida qatnaşgan yoş sportçi 1/8 finalda tailandlik Çokprasetrgulni (1:0), çorakfinalda mezbon sportçi Dingni (7:0), yarimfinalda janubiy koreyalik Hvangni (8:0) mağlubiyatga uçratib, final çiqdi. Oltin uçun bahsdada esa Taybey vakili Sui-Ping Kuni mağlubiyatga uçratişga muvaffaq böldi.
Osiyo çempionatining köp karra sovrindori, 2018 yil Jakartada bölib ötgan Osiyo öyinlarida kumuş medalni qölga kiritgan Sadriddin Saymatov esa işonçni oqlamadi. -67 kg vazn toifasida iştirok etgan sportçi ilk bosqiçda qirğizistonlik Nurlanbek Kalis Uluga qarşi bahs ötkazdi, jang yakuniga 10 soniya qolayotgan vaqtda 4:2 hisobida ustunlik qilib turgan Saymatov sönggi soniyalarda zarbalarni ötkazib yubordi va mağlub böldi (4:5).
8 oktyabr kungi bahslarda karate jamoasining yana bir vakili Şahrizoda Ismatillayeva (-50 kg) öz imkoniyatini sinovdan ötkazadi.
Futbol
Osiyo öyinlari-2022 futbol dasturida 3-örin uçun bahsda Özbekiston olimpiya jamoasi Hongkongga qarşi maydonga çiqib, turnir tarixida 29 yil ötib bronza medaliga ega çiqdi.
Temur Kapadze şogirdlari turnirda uçinçi marta Hongkongga qarşi röbaro‘ kelişdi. Guruh bosqiçida ikki marta raqib ustidan kiçik hisobda (1:0, 2:1) ğalabaga erişgan olimpiyaçilar medal uçun bahsda raqib darvozasiga javobsiz törtta gol yölladi – 4:0. Alişer Odilov birinçi bölim oxirida hisobni oçgan bölsa, Husayn Norçayev dublga erişdi, Alibek Davronov esa yakuniy hisobni örnatdi.
Şu tariqa, Özbekiston bronza medaliga ega çiqib, Osiyo Öyinlari futbol bahslarida 29 yil ötib sovrindorlar qatorida böldi. Bungaça turnirdagi ilk medal Xirosimada ötgan 1994 yilgi turnirda qölga kiritilgan – oltin.
Yarimfinalda Özbekiston jamoasini mağlub etgan (2:1) Janubiy Koreya esa finalda Yaponiya ustidan ham ğalaba qozonib (2:1), Osiyo öyinlari çempioniga aylandi.
Oğir atletika
+87 kg vazn toifasida iştirok etgan Tursunoy Jabborova dast kötarişda 118, siltab kötarişda 142 kg toş kötardi, ammo uning natijasi (260) beşinçi böldi. Bu vaznda Janubiy Koreya vakillari oltin (294) va kumuş (283), Tailand vakili bronza (275) qölga kiritdi.
2018 yil Jakartadagi Osiyo öyinlari bronza medali sovrindori bölgan Rustam Jangaboyev öz natijasini takrorladi. +109 kg vazn toifasida iştirok etgan oğir atletikaçi dast kötarişda 190, siltab kötarişda 233 kg toşni öziga böysundirib, jami 423 kg natija bilan uçinçi böldi.
Bu vaznda ğoliblik Bahrayn nomidan qatnaşib, Osiyo öyinlari rekordini yangilagan Gor Minasyan tomonidan qölga kiritildi (212+245=457), ikkinçi örinni esa eronlik Ali Dovudi egalladi - u ikkikuraş natijasiga köra 426 kg toş kötardi (192+234).
Şaxmat
Özbekiston yigitlar jamoasi sönggi 9-turda Tailand ustidan 4:0 hisobida ğalaba qozondi va uçinçi örinni egalladi. Oltin Eron jamoasiga, kumuş Hindiston jamoasiga ketdi.
Qizlar jamoasi esa sönggi turni Qozoğistonga qarşi ötkazib, 1:3 hisobida yutqazdi. Xitoy, Hindiston va Qozoğiston jamoalari mos ravişda birinçi, ikkinçi va uçinçi örinlarni egallaşdi.
Şu tariqa, şaxmat jamoasi jami tört medal qölga kiritdi. Yakkalik bahslarida Nodirbek Abdusattorov va Umida Omonova kumuş, Javohir Sindarov bronza medalni qölga kiritgandi.
Slalomda eşkak eşiş
Baydarka slalomida eşkak eşiş böyiça yarimfinal bellaşuvlarida iştirok etgan Özbekiston jamoasi a’zosi Jonibek Temirgaliyev final yöllanmasini qölga kiritdi. U 106.30 soniya bilan törtinçi natijani qayd etdi. Ammo finalda ham törtinçi örinda qolib ketdi. Bu dasturda medallar Xitoy, Yaponiya va Taybey vakillariga nasib etdi.
Özbekistonning ikkinçi vakili Şahobiddin Boltaboyev esa yarimfinalda 11-örinni egallagan.
Jiu-jitsu
Uşbu sport böyiça Özbekiston jamoasi turnirni öta muvaffaqiyatsiz yakunladi, jamoaning sönggi vakili Ozoda Nurmatova ilk bosqiçdayoq BAA vakili Muhra Mahfudga yutqazdi (2:50).
Sinxron suziş
Final bosqiçiga çiqqan Diana Onkes va Ziyodaxon Töraxöjayeva juftligi yakunda oltinçi örinni egalladi. Bu dasturda medallar Xitoy, Yaponiya va Qozoğiston vakillariga nasib etdi.
Badiiy gimnastika
Badiiy gimnastika böyiça Özbekiston jamoasi a’zosi Taxmina Ikromova delegatsiyaga navbatdagi oltin medalni taqdim qildi. Yakkalikning köpkuraş dasturida iştirok etgan sportçi 131.300 ball bilan eng yaxşi natijani qayd etdi. Qozoğistonlik Eljana Taniyeva hamda Milana Parfilova ikkinçi va uçinçi örinlarni egalladi, özbekistonlik Evelyana Atalyans törtinçi örinda qolib ketdi va sovrindorlar qatoriga kira olmadi.
Parij-2024 Olimpiadasi lisenziati 6 oktyabr kungi bahslarda jamoamiy dasturda ham oltin medalga ega çiqqan edi.
***
Kun yakunlariga köra, Özbekiston delegatsiyasi hisobidagi oltin medallar soni 22 taga, bronza medallar soni 31 taga yetdi, kumuş medallar soni 18 taligiça qoldi. Özbekiston jami 71 ta medal bilan umumiy reytingda 5-örinni egallab turibdi.
Bu orqali Özbekistonning Osiyo öyinlari tarixidagi eng yaxşi natijasi qayd etilmoqda. Oltin medallar soni böyiça ham, jami medallar soni böyiça ham Jakarta-2018 natijasi yaxşilandi. Indoneziyadagi turnirda Özbekiston 21 ta oltin medal (jami 70 ta) qölga kiritgandi, ammo doping tufayli kuraş jamoasining bir oltini olib qöyilgandi.
