JSST: Isroilning G‘azodagi «Al-Quds» kasalxonasini evakuatsiya qilish talabi juda xavotirli

Sog‘liqni saqlash xizmatlari har doim xalqaro humanitar huquqqa muvofiq himoyalangan bo‘lishi kerak, dedi Tedros Adxanom Gebreyyesus.

Foto: Anadolu Agency

Jahon sog‘liqni saqlash tashkiloti (JSST) bosh direktori Tedros Adhanom Gebreyyesus Isroilning G‘azodagi Falastin Qizil Yarim Oy jamiyatining «Al-Quds» kasalxonasini bombardimon qilish tahdididan chuqur xavotir bildirdi.

X ijtimoiy tarmog‘idagi postida Gebreyyesus G‘azo Isroilning shiddatli hujumlari ostida ekanini eslatdi.

«Falastin Qizil Yarim Oy jamiyatidan Isroilning G‘azodagi «Al-Quds» kasalxonasini evakuatsiya qilish talabi haqidagi xabari nihoyatda xavotirli», dedi Gebreyyesus. U odamlar hayotini xavf ostiga qo‘ymasdan bemorlar bilan to‘lgan shifoxonalarni evakuatsiya qilishning iloji yo‘qligini ta’kidladi.

«Sog‘liqni saqlash xizmatlari doimo xalqaro insonparvarlik huquqiga muvofiq himoya qilinishi kerak», deya qo‘shimcha qildi Gebreyyesus.

Falastin Qizil Yarim oy jamiyati yozma bayonotida shunday deyiladi: «Isroil askarlari G‘azodagi «Al-Quds» kasalxonasini bombardimon qilish bilan tahdid solib, evakuatsiyani talab qildi. Kasalxona atrofi ertalabdan beri o‘qqa tutilmoqda».

#Al-Quds #G‘azo

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.